Pinakaunang St. John Paull II GKK Gimugna

Ang Parokya sa Sagrada Pamilya sa Baliok dinhi sa Arkidyosis sa Davao ubos sa pagdumala ni Reberendo Padre Ricky C. Peñalosa, kura paroko, nagtugot sa pag-abli pag-usab sa Katilingban sa mga lumulupyo sa Don Lorenzo Homes, Dumoy.

Sila adunay 33 ka pamilya nga sakop sa ilang katilingban. Apan sa ilang pagtukod balik sa ilang Kristohanong katilingban, ang ilang kanhing Patron nga St. Stephen nausab tungod kay ang mga residente nagka-uyon nga ang ilang bag-ong Patron mao si San Juan Pablo II na.

Sila miagi og GKK Orientation aron ilang masabtan ang ilang kaakuhan sa pagpalambo sa GKK. Gipahigayon usab ni Fr. Ricky ang ilang unang misa niadtong Marso 8, 2014.

Agig’g pagpangandam sa ilang pagsaulog sa unang pista, mitambong ang mga miyembro sa Pre-Fiesta Seminar niadtong Abril 9, 2014. Niining higayona, ilang naplastar ang ilang mga kalihukan aron mabulokon ug malampuson ang ilang pagsaulog sa ilang kapistahan.

Tuod man, niadtong Abril 27, 2014 malipayon ug malampuson nilang gisaulog ang ilang Unang Kapistahan sa GKK sa San Juan Pablo II, Don Lorenzo atol sa Piyesta sa Divine Mercy ug sa canonization ni San Juan Pablo II ug San Juan XXIII.

Tungod kini sa pagtambayayong sa mga miyembro ug sa ilang mga Pangulo sa GKK: PSK – Judge Silverio Mandalupe; PSL – Avelino Orzales; PSP – Irish Kathryn Martel; Secretary – Mae Labis; Treasurer – Precy Barotilla; PSKB – Mr. & Mrs. Marivic Palacay; PSB – Joel Tamli.

Karon, ang mga pangulo naningkamot sa pagpalig-on pa sa ilang Kristohanong katilingban diha sa pagbisita nila sa ilang mga sakop pinaagi sa pagpahigayon sa pag-ampo sa Santos nga Rosaryo diin ilang dalaon ang Mahal nga Birhen Maria sa panimalay aron magmalahutayon pa ang ilang GKK.