Gasa sa Dugo, Gasa sa Kinabuhi sa Tawo

“Ang usa ka tinulo sa dugo makahimo og dako nga kalainan.” Magpabilin nga himsog ug mokaon sa husto ug magdonar og dugo. Ang GASA SA DUGO, GASA SA KINABUHI SA TAWO.

Nagpahigayon ug Blood Letting Activity ang Our Mother of Perpetual Help Parish kauban ang mga Pangulo sa Panglawas (PAP) volunteers ubos sa Pangulo sa Alagad (PSA) niadtong Hulyo 16, 2023 sa alas 7 sa buntag sa SATMI Gym, Redemptorist Church. Tumong niini nga matabangan ang mga nanginahanglan. Ug kini mao ang atong sosyal nga responsibilidad sa pagtabang sa uban.

Adunay 167 ka mga donors ang nakapasa sa screening ug nakuhaan ug dugo ug usa na didto mao ang Superior sa OMPH nga mao si Rev. Fr. Cuzito Manding, CSsR. Ang mga galloners makadawat ug medalya isip pasalamat sa ilang pagkamanggihatagon. Gihatagan sab sila ug libreng sabaw ug paniudto para sa pagpabalik sa ilang dugo.

Mapasalamaton ang tanan ilabina ngadto sa taga Davao Blood Center ug sa ilang team apil na ang mga doktor, nurse, medtech ug tanang mga volunteers nga migahin sa ilang panahon sa paghimo aning responsiblidad ngadto sa katawhan maingon usab sa 167 ka mga blood donors.

Busa, ang pagdonar og dugo maoy mahimong rason sa paglungtad sa usa ka tawo. (Mary Grace Gonzales | Our Mother of Perpetual Help Parish GKK Soccom)