Kaakuhan sa mga PSL

Sa alas 3:30 sa hapon nga Santos nga Yukaristiya atol sa Ikanapulo’g-duha nga Dominggo sa Ordinaryong Panahon, Hunyo 25, 2023 sa St. Mary of the Perpetual Rosary Parish gipahigayon ang seremonyas sa Panaad ug Pagpadala sa mga bag-o ug daang mga Pangulo Sa Liturhiya (PSL) sa matag Gagmay’ng Kristohanong Katilingban (GKK) nga nahisakop sa Parokya. Alas dos sa hapon adunay pagparehistro sa mga PSL ug nagmadasigon ug malipayon ang tanan. Apil sab ang mga core group members sa SoCCom Ministry nga pinangulohan sa Parish SoCCom Coordinator.

Ang katumanan sa mga plano sa Ginoo nagpatigbabaw niining tanan. Nadawat sa mga PSL ang balaanong gasa diha sa Santos nga Misa nga gipangulohan ni Padre Dionisio Tabiliran, Kura Paroko, inubanan ni Bro. Junifer Francis Valde.

Diha sa pag-ampo gipadayag ang mga giya ug lagda sa pagka PSL: a) Ang PSL gitugyanan nga pangulo sa senimanang Liturhikanhong Pag-ampo sa GKK; ang Kasaulogan sa Adlaw’nga Dominggo (KSD) kung wala ang pari; hiniusang Pag-ampo sa Katilingban ug sa ubang communal prayer sama sa Novena, Via Crusis, Rosary ug uban pa. b) Ang pagtabang sa Pari panahon sa Santos nga Misa ug sa ubang Sakramento. c) Pag-organisar, pakig-alayon sa ubang Ministriya sa Liturgical committee nga kalihukan diha sa GKK.

Mapasalamaton ang mga Parokyano ug mga miyembro sa GKK sa mga igsoong PSL diha sa pag-alagad, sa pagmalahutayon isip mga piniyalan. Pinaagi usab kanila adunay Hiniusang Pag-ampo nga mabug- os ang Katilingban. Ang grasyang makasantos nagpadayag sa buhing Pagtoo ug Pulong nga paga-ambitan sa tanan. Ug ang Balaanong Espiritu mao ang naggiya ug nagdasig kanatong tanan. Dalaygon ang Dios! (Maria Dexie Calvo, GKK SoCCom | Photos: Hermie Mapute)