Banana Festival sa Dacudao Pasok sa 7 Wonders of the World

Mao kana ang mga pulong nga gilitok sa usa sa mga tumatan-aw sa gipahigayon nga Banana Festival sa Dacudao, Calinan, Davao City atol sa selebrasyon sa piesta sa  Mary Help of Christians Parish niadtong May 24, 2013.   Siyam ka mga tampo gikan sa nagkalainlaing GKK sa maong parokya nakapahugno gayod sa emosyon sa mga tumatan-aw kay kini maanindot gayod ug pang-world class ang presentasyon.  Pwede gayod kini ipasigarbo ngadto sa mga langyaw ug mga bisita gikan sa kasilinganang lugar.   Mao na nga sa sobrang pagdayeg, nakaingon gayod ang usa ka hamtong: Grabe, pwede mahimong wonder of the world.

Apan, dili lamang usa ka ordinaryong pasundayag ang gihimong kalihokan kay ang tuyo ug tumong niini mao man ang pagpasidungog sa mga banana growers sa maong lugar nga nakatabang ug dako sa mga lumulupyo sa paghatag kanila ug trabaho gawas pa sa ilang world class caliber nga mga produkto.  Busa, tungod niini ang Department of Agriculture misaad nga magpadayon sa pagpaluyo niining maong kalihukan.  Busa, atangi sa sunod tuig ang lain pang mabulokon nga pagpasundayag sa banana festival nga imong masaksihan “only in Dacudao”.  Viva! (Fr. Adriano Satura, SDB / Contributor)