San Pedro Cathedral Syento Setenta’y Singko Na!

Atol sa ika-syento setenta’y singko nga kapistahan ni San Pedro Apostol, ubay-ubay ang mga kalihokan nga gipahitabo sa parokya sa San Pedro Cathedral nga gilangkuban sa unom (6) ka sona.

Pilgrimage masses maoy unang kalihukan sa matag GKK diin dunay katekesis nga gipanghatag ngadto sa mga magtotoo una magsugod ang Santos nga Misa. Pinaagi sa mga miyembro sa Formation Ministry dugang pagpasabot ang gihatag bahin sa topiko sa Pagkapiniyalan. Bisan pa man panahon sa ting-ulan wala kini makababag sa matag gabii nga kalihukan.

Aduna usa’y nahitabo nga Bloodletting, pagtabang diha sa mga miyembro sa matag GKK nga nanginahanglan ug dugo. Apil usab kadtong mga nagkinahanglan sa atensyong medical tungod sa Medical Check up nga gi sponsoran sa PNP PRO 11 Medical Team, inubanan ni Dr. Mark Dan Ranches- Pediatrician, Dra. Carla Marie dela Peña usa ka Optometrist pinaagi sa pagkamanggihatagon ni Honorable Bernie Al-ag nga nagdonate usab ug mga anteohos sa mga naay mga depekto sa mata ug mga tambal gikan sa Department of Health. Daghan ang naka benepisyo sa maong mga tambal, pinaagi sa nahitabong Medical Mission.

Niadtong Hunyo 27, 2023 sa gabii adunay gipahitabo nga Gabi ng Parangal alang sa mga lideres ug mga lumilihok gikan sa GKK level padulong sa Worship and Formation Ministry nga ang category mao ang kadugayon sa pagserbisyo, bisan pa sa mga kahuyang. Dugang pa niining kadugayon gilantaw usab ang ilang willingness to serve, willingness to embrace change ug abli sa bisan unsang tahas nga ihatag, og ang pagkamalipayon sa pagpangalagad. Nalipay ang kadaghanan sa nahitabo tungod wala nila damha nga gipasidunggan sila sa simbahan nga ilang gialagaran. Adunay mag-tiayon nga nakaingon, “nindot jud ang mangalagad ug baonon ko kini sa akong kamatayon.” Hadlok paminawon pero tinood jud nga nalipay silang magtiayon kay nihilak man jud sila.

Hunyo 28, 2023 sa alas dyes sa buntag gipahigayon ang raffle draw sa “Raffle for Cause” alang sa total repair sa simbahan ug ang nahimong mananaog mao ang musunod:

San Pedro Cathedral Parish Raffle for a Cause – 2023

3rd Prize Winner of Mountain Bike: GIRLY B. QUIÑOLA – TICKET #: 26038; 2nd Prize Winner of Motorcycle: WILKIE M. TAYO – TICKET #: 13954; 1st Prize Winner of Badja: REINER LLERENA – TICKET # 1723; Grand Prize Winner of Mirage: BONIFACIO TUAN – TICKET # 18865;

Winners of 1 Sack of Rice: ARMANDO MESIONA – TICKET #: 3509; SOFRONIO R. ALVARADO – TICKET #: 30835; DANILO TALADOC – TICKET #: 18902; RIANE T. ALIMENTO – TICKET #: 25750; GELLIE S. DE LARA – TICKET #: 1645; MARIETTA LIMA – TICKET #: 11297; ORCISIANA A. CUA – TICKET #: 17997; LILIAN S. WEIR – TICKET #: 3466.

Nahitabo ang pagbola sa mga raffle ticket nga lainlaing tao ang gipapunit sa tambiolo, naka livestream ang maong activity sa DXGN 89.9 Spirit-FM Davao og sa San Pedro Cathedral Facebook pages.

Sa maong adlaw sa alas 3:00 sa hapon – ang Procession (Claveria-Marco Polo-Magallanes) nahitabo uban ni Rev. Fr. Voltaire Dimol nga nagabaktas uban sa mga GKK Leaders and members, adunay blessing nga nahitabo sa mga imahen pagabot sa cathedral. Dayon misunod ang Santos nga Misa alang sa ika – 43 nga Dedication sa Metropolitan Cathedral sa San Pedro nga gipangunahan ni Most Rev. Romulo G. Valles, D.D., Arsobispo sa Davao.

Hunyo 28, 2023 – Gipahitabo ang Sociocultural Night diin dako kaayo ang pasalamat sa mga kabatan-onan nila ni Archbishop Romulo Valles, Rev Fr. Voltaire Dimol, Msgr. Julius Rodulfa, Rev. Fr. Michael Ondras, Rev. Fr. Kim Samones ug sa uban pang mga misuporta sa maong kalihukan. Nakambyoan ug kalipay ang tanang kahago sa pagkadungog mga words of appreciation. Dili matupngan ang kasadya nga ilang nabati sa pagrecognize sa mga kabatan-onan sa ilang kasingkasing sa pagserbisyo.

Ang mga batan-on nagkanayon, “gikan sa pagplastar, pagpangita ug choreographers, paghimo ug props ug costume, kita ug bati kaayo namo ang inyohang suporta. Pope Francis has always talked about the gap between generations. Dili gayod ikalimod nga adunay panahon nga dili maayo ang panan-aw sa mga hamtong sa kabatan-onan ug vice versa, but through this event, we were able to rise above this notion, we were able to bridge the gap between our generations. Dili gayud imposible nga magkahiusa sa pagserbisyo sa Ginoo. Nanghinaot kami nga mapadayonon ninyong suportahan ang mga kabtan-onan kay sila ang paglaom sa atong simbahan.”

Adlaw sa Kapistahan, Hunyo 29, 2023 dili usa apan upat ka Obispo ang nagmisa sa Metropolitan Cathedral of San Pedro, ang ika-duhang misa nga mao ang alas sais y medya sa buntag pinangulohan sa Auxiliary Bishop of Davao nga si Most Rev. George Rimando, D.D. Ang Pontifical Mass sa alas otso sa buntag pinangulohan sa Arsobispo sa Davao, Most Rev. Romulo Valles, D.D. Ang alas dose sa udto nga misa, gipangulohan sa Obispo sa Digos nga anak sa Davao, Most Rev. Guillermo Afable, D.D. og sa alas sais sa gabii ang nagmisa si Most Rev. Abel Apigo, D.D. Obispo sa Mati nga usa pud ka anak sa Davao. Puno sa kamaya ang timbuok simbahan tungod niining dakong selebrasyon dili lang dinhi sa Davao apan sa tibuok kalibotan. Gani pista man usab kini sa Roma.

Matapos ang Pontifical Mass duna pa gyuy kinaulahiang kalihokan nga mao ang Food Giving alang sa mga parokyano ug mga membro nga nag nagsimba.

Usab, daghan kaayong salamat sa University of Immaculate Concepcion sa pagpagamit sa San Pedro Cathedral sa ilahang gymnasium, sa DeeGee Lights and Sounds pinangulohan ni Sir Randy, sa TAPS alang sa mga pagkaon, Mr. and Mrs. Estoque sa pagpangandam sa pagkaon sa mga performers og sa Creative Outputs para sa bisti sa mga hosts. Sa Worship Ministry, LCCP, KOTAS, Formation Ministry Sr. Elfieda and Sr. Elaine sa inyong makanunayong pagsuporta ug uban pang mga ministriya sa Parokya, daghan kaayong salamat. Nagkahiusa gayud ang tanan alang sa mabungahon nga kasaulogan. Kung dili tungod kaninyo, dili mahimong ingon ani ka nindot ang event. (Rosalina Jabonillo | San Pedro Cathedral Parish SoCCom)