1 ka kapilya, 3 ka istorya

Pagahimuon ang Archdiocesan Gagmay’ng  Kristohanong Katilingban (GKK) Gathering karong umaabot nga Mayo 26-28, 2014.    Tahas sa tanang partisipante nga ma-review ang GKK norms and guidelines. Kining tanan maghisgot sa pagpadagan sa Kristohanong katilingban nga nasentro karon sa kapilya.

Aron mas mahibaw-an pa nato ang kaimportante sa pagsuporta sa atong GKK, miduaw ang inyong Davao Catholic Herald sa usa ka halayo nga GKK sa Upper Wangan, Calinan, ubos sa pagdumala sa Sacred Heart Parish.

Ug malipayon kami nga naabtan namo ang tulo ka mga aktibong opisyales sa kapilya nga nag-andam sa ilang Kasaulogan sa Adalaw’ng Domingo ug Flores de Mayo.  Sa tuig sa mga layko ug pagpanapos sa mga summer youth camps ug Flores,  hinaut nga mas madasig pa nato ang kadaghanan hilabi na ang mga layko aron manggilabut diha sa tagsa tagsa ka mga Kristohanong katilingban.

Ang Sacred Heart Parish ang isa sa mga 37 ka parokya nga adunay pinakadaghang kapilya sa Archdiocese sa Davao.