Lami Mamalikas

Dear Ate Emz,

Sa akong obserbasyon sa klase klaseng mga sitwasyon, makaingon gyud ko nga ginasulayan gyud kita sa panahon. Usa ani ang pag control sa emotions nga mu burst out sa higayon nga masagad na ang kapungot o kalagot. Natural lang ang kining maong reaction and effects. Ang concern ko lang, mas lisud sa akong kabahin labaw na nga anaa ako sa pag-alagad, aktibo pa sa gikalambigitang ministriya.

Malimtan ko usahay nga nag-alagad man diay ako ug dili ako angay nga mamalikas kung maglagot. Ngil-ad diay ang kina-iya nga mamahimong personal interest ang motibo diha sa pagpangalagad involving money. Pipila pa ka mga maingon natong dili angayang mga kina-iya sa usa ka naga pangalagad unya dili sibo ang ginapakita.

Maka relate ko niini sa matag higayon nga maka encounter ako sama sa ingon kay ako usab sama pud gihapon. Aron dili na ako masawayan sa uban, akong panghinaut nga unta mawagtang na sa akong system ang mga ingon ining kinaiya. Paano?

Still Strugling,
Jess

* * * * * *

Dear Jess,

Walay tawo nga perpekto. Atong hinumduman nga ang atong mga emosyon kabahin gyud sa atong pagkatawo. Mao nga kinahanglan gyud ang maayo nga pagdumala aron dili kita ma overpower or ma control niini. Usa sa mga emosyon nga ato gyud ayuhon sa pagdumala mao ang kasuko. Kasagaran kini nga emosyon lisud kontrolahon o dumalahon.

Ang kasuko dili mahitabo diha diha dayon. Moagi pa kini og lain-laing mga ang-ang sa intensidad. Sa unang higayon pa lang, mabati nimo ang kalagot/iritasyon sa dihang namatikdan nimo ang usa ka butang nga supak sa imong gilauman. Kung pasagdan ra nimo kini ug wala kay gihimo, sa sunod higayon nga mahitabo pa usab ang insidente, mosamot ang imong gibati nga kalagot. Unya, kon padayong dili panumbalingon, ang gitago nga mga emosyon (kalagot/iritasyon) mo-intensify na ngadto sa kasuko. Kung napuno ka na, mahimong mag aso-aso ka na tungod kay nisamot ang gibati nga tumang kasuko ug diin nibuto na lang sa dili mapugngan nga aksyon. Ug kini moresulta na sa labi ka dako nga kadaot sa mga tawo o butang. Ug sa imong kabahin, mobuto ka pinaagi sa pagpamalikas.

Ug kining pagpamalikas, ma scandalize ang uban tungod kay naa ka nagapangalagad sa simbahan kung asa taas kaayo ang expectations sa maayong pamatasan. Struggle gyud sa imong kabahin tungod sa inconsistency between your actions/words and what you are expected to do as a witness to God’s way of life. Dili kini maayo nga ehemplo sa usa ka mangalagad sa simbahan.

Sa laing bahin, ang imong pag-ila ug pagdawat niining dili maayo nimo nga kinaiya, usa ka positibo nga indikasyon. Tungod kay kung nahibalo ka ug giila nimo kini, imoha na kining magunitan, ug mamahimo ka nang manukad sa pagbuhat ug mga lakang aron madumala kini. Og sa dili madugay, moabot na gyud ang panahon nga mabuntog na nimo ang naingon nga tendency.

Busa, sa unang higayon nga gibati nimo ang kalagot sa sayop nga nabuhat sa usa ka indibidwal, deal with it right away, aron mawala na kini sa imong sistema. Ayaw iluom aron wala nay magpuyo nga negatibo sa imohang kasingkasing ug wala nay higayon nga “mapuno ang panaksan”. Sa kining pamaagi, ang kalagot mapulihan na og kalinaw. Busa, wala nay rason nga moabot pa sa punto nga mamalikas ka tungod kay nadumala naman nimo ug maayo ang negatibong reaksyon dinha pa lang sa una nga panghitabo. Have the courage and humility to express your feelings in a gentle but firm manner because at this stage you still have certain degree of control. Hinumdomi, ayaw pagsundog sa “farmer” kung asa magtanom ka ug kasuko, kalagot, ug uban pang mga negatibong emosyon.

Bahin sa imong gihisgutan nga “mamahimong personal interest ang motibo diha sa pagpangalagad involving money”, kinahanglan nga adunay pagbag-o sa katuyoan sa pagdawat ani nga pagserbisyo. Mao nga ang hingtungdan mag “re-visit” gyud sa iyahang tumong nganong nidawat siya niining nahisgutang pagpangalagad.

Bisan pa niana, hinumdomi nga ang tawo sama kanato, dili perpekto bisan pa nga kita nangalagad sa simbahan sa lain-laing mga ministriya. Kanunay gyud kita nga magdala sa atong kaugalingong mga kasaypanan ug mga kakulangan. Ang importante naay paningkamot nga mabuntog kini, uban sa mga gasa nga ibubo sa atong Ginoo, aron kita mahimong takus sa pag-alagad Kaniya sama sa atong pag-alagad sa Simbahan ug sa katawhan.

Dugang pa niini, atong hinumdoman nga sa pagpangalad, ang Ginoo ang atong gipadayag sa atong pagserbisyo. Kinahanglang magmapaubsanon gyud kung mangalagad Kaniya. Aron sa diha nga makita ka sa uban, ang gugma ni Kristo ang ilang masinati. Sa katapusan, sama sa usa ka panultihon, maka ingon sila, “When I think of you, I cannot help but thank the Lord”. This is because your ways and your actions have led them to God. Indeed, we are just “a voice in the wilderness” where the voice disappears but the message is retained.

He must increase but I must decrease (John 3:30) …let these words be your guiding light as you serve God through others in the ministry where you are called to do so. May you do everything for His greater glory.

God bless you more,
Ate Emz