Unang Pagkalawat sa Kapin 300 ka Kabataan

Ang San Francisco De Asis Parish sa Tagakpan nagpahigayon ug Santos nga Misa, niadtong Hunyo 10, 2023 sa Unang Pagdawat sa Lawas ug Dugo ni Kristo. Tungod sa kadaghan sa mga First Communicants nga mikabat sa 321 gitunga sa duha ka higayon ang selebrasyon, ang unang bahin sa buntag sa 10:30 nga gilangkoban sa Vinzons Elementary School ug Lower Sirib Elementary School nga gipangulohan ni Rev. Fr. Dennis Venus, OSJ inubanan ni Rev. Euricho Rafael Maralit, OSJ.

Sa alas 2:00 sa hapon mao usab ang Tagakpan Elementary School ug Upper Sirib Elementary School diin ang Santos nga Misa gipangulohan ni Rev. Fr. Mario Holmina, OSJ, kura paroko.

Ang Sakramento sa Unang Pagkalawat nagmalampuson tungod sa panabang sa mga eskwelahan, mga ginikanan ug ilabina sa atong mga tinahod nga mga katekista.

Dili ka bayran ang kalipay ug pagka excited sa mga bata sa dihang ila nang nadawat ang lawas ug Dugo ni Kristo. (Jeffren Miguel | San Francisco de Asis Parish SoCCom)