Balloons para kay Tatay

Matag bulan sa Hunyo, ginapasidunggan ug ginahatagan og dakong pagtagad ang mga pagpaningkamot, pagpanlimbasog, ug pagmahal sa atong mga amahan. Sa pagsaulog sa tinuig nga Fathers’ Day Celebration, atong ginapakita ang atong dakong gugma sa atong mga amahan ug atong inila nga mga amahan aron pagbalik nato sa tanan nilang gibuhat isip padre de pamilya.

Busa, niadtong Dominggo, Hunyo 18, atol sa pagsaulog sa ika-11 nga Dominggo sa Ordinaryong Panahon ug Fathers’ Day, gibendisyonan ug gipasidunggan ang tanang amahan nga misimba sa first ug second mass sa parokya sa San Francisco de Asis Tagakpan. Gawas niini, giisa-isa ug hatag sa kura paroko nga si Fr. Mario Holimina, OSJ, ang balloons sa mga amahan human sa bendisyon.

Matud pa ni Fr. Mario, kini gamay lamang nga pahalipay sa tanang mga amahan nga nagsakripisyo ug nagbantay sa ilang tagsa-tagsa ka pamilya. Usa kini ka pamaagi aron pasidunggan ug ipakita ang gugma sa atong mga amahan.

Malipayong gidawat sa mga amahan ang mga balloons diha sa pagsaulog sa tinuig nga adlaw sa mga amahan. (SFDA SoCCom)