Mary Mediatrix: Sumbanan sa Kristohanong Kinabuhi

Sa matag katapusan sa bulan sa Mayo ginasaulog ang kapistahan sa Mary Mediatrix of all Grace, diin mao usab ang Patron sa Zone 6 nga sakop sa St. Mary of the Perpetual Rosary Parish, Buhangin. Kini gilangkuban sa unom (6) ka mga GKK nga mao ang San Nicolas de Tolentino, San Lorenzo Ruiz, Birhen Medalla Milagrosa, San Isidro Labrador I, San Isidro Labrador II ug Divine Mercy.

Gisugdan ang kasaulogan sa kapistahan sa pagnovena diin gituyok kada gabii sa unom ka mga GKK sulod sa siyam ka adlaw.

Kaniadtong May 31, 2023 gisaulog ang ika-6 ka tuig nga kapistahan sa Zonal Patron; Mary Mediatrix of All Grace. Ang Santos nga Misa gipahigayon sa GKK Birhen Medalla Milagrosa nga gipangulohan ni Rev. Fr. Romeo Coronel, OSA.

Matod pa ni Fr. Coronel, si Maria mao ang sumbanan ug giya sa atong kinabuhi nga Kristohanon, ilabina ngadto sa pagpangalagad dili lang sa atong kaugalingon kundi ngadto usab sa uban, kung kita makadawat ug gasa malipay gayud kita apan ato usab kining ipaambit sa uban aron mahingpit ang atong kalipay.

Human sa kasaulogan sa Santos nga Misa, nagpahigayon og salu-salo sa mga gasa sa grasya nga gi-andam sa matag GKK nga sakop sa maong sona diin malipayon ang tanan ilabina ang mga GKK Servant Leaders ug miyembro tungod kay malampuson ang pagsaulog sa kapistahan nga miduyog usab ang maayong panahon. Salamat sa Dios. Viva Maria! (Thelma Martinez, GKK SoCCom | Photos by Thelma Martinez)