Flores De Mayo: Mapadayunong Pasidungog Kang Santa Maria

April 30, 2023 – Naglusad ang Our Lady of Miraculous Medal Parish og FLORES DE MAYO nga gipangunahan mismo sa kura Paroko, Fr. JESUS SAMANIEGO, kauban ang mga kabataan sa matag GKK.

Ug gisugdan dayon sa matag GKK ang Maong kalihukan sa matag Sabado sa Semana, kay lagi aduna pay klase ang matag tulonghaan. Upat ka Sabado lamang ang napahigayon nga Flores de Mayo dinoyugan sa 32 ka mga GKK.

Gipahigayon ang CULMINATION niadtong May 28, 2023 pinaagi sa pasidungog sa atong mahal nga Birhen Maria, sulod sa Santos nga Misa, uban ang mga kabataan ug mga maabtikon nga mga katekista.

Bisan pa man sa mga kabag-ohan bunga sa pandemya, wala kini nahimong babag aron mapadayunon ang maong tradisyon sa Simbahang Katoliko ilabi na ang maayong epekto niini sa mga kabataan. Dalaygon ang Dios. (Analyn Cagabhion | OLMMP SoCCom | Photos: Marilou Luzon)