Talicud Island nagpili og patron

Sa ilang kagustuhan nga makatukod og ilahang kaugalingong parokya, ang mga lomulupyo sa Talicud Island sa Garden City of Samal nagpili og pangalan sa ilang ilhon nga patron.

Napili nila ang Sta. Cruz isip pangalan sa patron aron pag-ila sa kadaugan ni Kristo sa sala pinaagi sa paglansang kaniya sa krus.

Gihimo sa mga residente nga kasamtangang sakop sa Sto. Niño Parish, Kaputian, ang pilgrimage sa imahe sa Sta. Cruz niadtong Abril 10. Niadtong Abril 24 gisugdan ang siyam ka adlaw nga novena Masses isip pagpangandam sa kapistahan nga gisaulog niadtong Mayo 3.

Sa bisperas sa kapistahan, ang vicar general sa Archdiocese of Davao nga si Msgr. Leonardo Vicente ang nangulo sa Santos nga misa.

Sa adlaw sa kapistahan, si Abp. Romulo G. Valles ang gitakda nga mangulo sa santos nga misa apan tungod sa mga kakulian, wala siya madayon. Bisan pa niana, gikalipay gihapon sa kadaghanan  ang pagpangulo sa santos nga misa ni Archbishop-Emeritus of Davao Fernando R. Capalla.

Sa pakighinabi sa dcherald kay Fr. Rico Enriquez, kura paroko sa Kaputian, malipayon ang katawhan nga gi-misahan ang ilang isla bisan pa man wala pa sila nahimong parokya. (@dcheraldjohnfrancesf)