Unang Pagpakita sa Birhen sa Fatima Gihandom

Gihandom niadtong Mayo 13, 2023 ang kasumaran sa 1st Apparition sa Mahal nga Birhen sa Fatima. Ang maong kasaulogan gipasiugdahan sa Confraternity of the Perpetual Rosary Movement (CPRM) sa St. Mary of the Perpetual Rosary Parish, Buhangin. Kini gipangulohan ni Mrs. Belen Aguilon, Parish CPRM Coordinator inubanan ni Mrs. Bing Rodriguez, CPRM President sa Archdiocese of Davao.

Gisugdan ang selebrasyon pinaagi sa pag ampo sa tanang mga Misteryo sa Santos nga Rosaryo. Ang nangulo sa Santos nga Rosaryo mao ang mga Kabataan nga gikan sa Gagmay’ng Kristohanong Katilingban (GKK) sa Birhen sa Fatima, Emily Homes ug GKK Our Mother of Perpetual Help, Villa Park. Pagkahuman sa Santos nga Rosaryo misunod ang Santos nga Misa, nga gipangulohan ni Rev. Fr. Romeo Coronel, OSA.

Aron mabulokon ang maong kasaulogan nagpahigayon usab og mga aktibidades sama sa Choral Contest, Bible Quiz ug Parlor Games. Adunay giveaways ug prizes nga gihatag alang sa mga kabataan. Gihuman ang selebrasyon pinaagi sa salu-salo nga giandam alang sa tanan.

Malipayon ang tanan nga nakig-uban sa paghandom niining adlawa sa 1st apparition sa Mahal nga Birhen sa Fatima. (Lani Lucero | St. Mary of the Perpetual Rosary Parish, GKK SoCCom)