Mga Magtutudlo Sa Atong Kristohanong Pagtoo Sa Parokya

“Ginoo tudluan mo kami sa dalan sa kinabuhi”. Matag usa kanato magsangpit sa Dios sa paggiya kanato isip nakadawat sa gasa sa misyon ni Kristo sa pagka-propeta. Kini matuod diha sa mga Formators sa Lay Organization and Movement, Family and Life Apostolate, ACA, Catholic Faith Defenders, CCRS, School Catechists, GKK Formators, Youth Formation Ministry, Legion Of Mary, Holy Face of Jesus, Adoracion Nocturna, ug Apostleship of Prayer. Kini sila ang naglangkob sa Worship Ministry sa San Pedro Cathedral nga mitugyan ug mibag-o sa ilang panaad uban ni Sister Ma. Elfieda, OSB, Sister In-charge, niadtong Abril 24, 2023 sa alas 9:30 sa buntag pinaagi sa usa ka seremonyas sulod sa Misa.

Sa Homilya ni Msgr. Julius Rodulfa siya mihagit, “magtutodlo kita sa atong pagtoo, ug dili kita makaporma sa uban kung dili kita maporma sa balaang pulong sa Dios ug personal nga na engkwentro ang Ginoo nga siya buhi, siya nabanhaw, ug andam kita sa mga buluhaton uban sa kadasig ug nagdilaab nga gugma sa kasingkasing, nga makalahutay kita sa pagsangyaw ug makahatag sa kahayag sa uban nga dili kita maupos sama sa kandila.” (Rosalinda C Jabonillo | San Pedro Cathedral Parish, SocCom)