PSK, Mga Piniyalan Sa Dios

PSK “Mapaubsanon, Manggihatagon ug Mapasayloon nga mga Piniyalan sa Dios”, mao kini ang tema sa Lenten Recollection nga gipahigayon alang sa mga Pangulo sa Katilingban (PSK) sa St. Mary of the Perpetual Rosary Parish, Buhangin niadtong March 12, 2023 diin gihimo kini sa kapilya sa GKK Our Mother of Perpetual Help, Panorama sa alas otso sa buntag hangtod alas kuwatro sa hapon.

Gipaambit sa unang speaker nga si Rev. Fr. Dionisio Tabiliran ang mahitungod sa Prodigal Son diin iyang gihatagan og gibug-aton ang pagka mapasayloon sa amahan ngadto sa iyang anak nga nawala ug nahibalik ra. Naghatag pud si Fr. Diony ug pinalahi nga kahulugan sa LENT nga mao ang Loving God, Embraces us and Never gets Tired of loving us.

Pagkahapon gihatagan og pagpalawom ni Rev. Fr. Romeo Coronel, OSA ang maong tema pinaagi sa pagpaambit isip PSK as GKK Stewards. “Stewards are humble and charitable.” Isip mga piniyalan o pangulo sa katilingban kanunayng hagit ang mahimong mapaubsanon ug andam mohatag sa iyang kaluoy ug panabang ngadto sa uban nga nanginahanglan. Sumala pa ni Fr. Romy, “these two words charity and generosity being simplified that generosity is about making another person’s life a little better without the expectation of getting anything in return while charity is about assisting people in need.” Gipadayag sab niya ngadto sa mga PSK nga aron mamahimong mas mogaan ang pagka piniyalan, himoon sa kanunay nga sumbanan si Mama Mary ug si Jesukristo.

Gitapos ang Lenten Recollection pinaagi sa Closing Remarks ni PSK Arsenia Barimbao ug Closing Prayer ni PSK Lilibeth Aunso. (Arsenia Barimbao | (Photos by Eleonor Burgos))