Cabonbon Elementary School Nakadawat sa Dakong Grasya

Marso 16, 2023, espesyal nga adlaw sa 47 ka mga kabataan sa tulunghaan sa Cabonbon Elementary School nga andam na sa unang higayon sa pagdawat sa sakramento sa pakig-uli o pagkumpisal ug pagkalawat sa lawas ug dugo ni Kristo uban sa pagtugot sa kura paroko sa San Roque Parish Malabog Rev. Fr. Arnold Balaquinto ug sa pangama sa School Head nga si Mrs. Rosita Q. Largo. Nahimong malampuson ang tanan sa pagkugi sa mga katekista ug mga magtutudlo sa Zone 6 ICC-Cabonbon.

Uban sa pagpalawom sa relasyon sa mga ginikanan ngadto sa mga kabataan, gihimo ang recollection inubanan sa facilitator nga usa sab ka PSP coordinator nga si Jeanet Esurez. Makita ang dakong kalipay sa mga kabataan tungod kay dili na sila maminaw o moobserbar panahon sa pagsimba sila makadawat na sa Balaang Eukaristiya nga nagsimbolo sa lawas ug dugo ni Kristo. (Noralyn Largo)