Balay sa inilang Aleem apil sa sunog

Sa nahitabong sunog niadtong Abril 4 sa Barangay 23-C ug kaubang mga barangay, dinhi sa syudad sa Dabaw, naapil ang balay sa inila nga Muslim leader dinhi sa syudad.

Si Aleem Mahmod Adilao, convenor sa Aimah-Priests-Pastors Forum (APPF) inila nga Muslim leader sa Dabaw ug nakatambong pa siya sa gipahigayong Bishops-Ulama-Priests-Pastors-Farmers-Lumad Conference (BUPPFALUC) Conference nga naghisot sa Coco Levy Funds didto sa Margarita Hotel sa wala pa nahitabo ang dakong sunog nga mi-ugdaw sa balay sa kapin libo nga mga pamilya.

Sumala sa report, nagsugod ang sunog alas siyete sa gabii didto sa Zonta, Brgy 23-c ug miabot didto sa Brgy. 22-C ug Brgy. 21-C.

Mihatag og tabang ang mga coconut farmers isip gamay’ng tabang kay Aleem Adilao.

“My books, album, favorite shirts, kombong, yoga mat, rubber shoes wala na jud. Paita uy!” kini ang status message sa anak ni Aleem Adilao nga si Nor Asiah Adilao sa iyang Facebook account.

Ang mag-amahan kauban sa mga grupo dinhi sa Dabaw nga nagatabang sa pag-promote sa kalinaw sa Mindanao ilabi na sa mga Kristiyano ug Muslim. (John Frances C. Fuentes/@dcherald)