Paningkamot Sa Hiniusang Pag-Ampo

Gipahitabo ang Week of Prayer for Christian Unity sugod Enero 18 hangtod Enero 25, 2023. Kini nga pag-ampo nagsugod sa kapin gatusan na ka katuigan diin ang mga Kristyanos sa tibuok kalibotan musalmot sa mga pagampo sulod sa oktaba aron sa pagpakita sa kahiusahan sa tanang mga Kristyanos.

Dinhi sa arkidayosis sa Dabaw, gipahigayon ang maong pag-ampo sulod sa pito ka simbahan duyog sa tema: “DO GOOD; SEEK JUSTICE” (Isaias 1:17). Ang matag adlaw sa matag simbahan duna usab tema nga mao ang sentro sa mga pagpaambit ug pagampo.

Ang pagabli sa Week of Prayer for Christian Unity ug unang adlaw gipahitabo sa parokya St. Francis of Assisi sa La Verna diin ang kura paroko mao si Fr. Pedro Lamata nga mao usab ang coordinator.

Dinhi gipahigayon ang mga pag-ampo ug ang pagpatong-patong sa mga bato isip simbolo sa pagtukod sa simbahan ni Kristo Hesus. Kini ang mga tema sulod sa walo ka adlaw.

DAY 1 – St. Francis of Assisi La Verna
Theme: Learning to do the right thing
DAY 2 – UCCP Crossroads Congregational Church
Theme: When justice is done…
DAY 3 – Sta. Ana Shrine Parish
Theme: Do justice, love mercy, walk humbly
DAY 4 – Lutheran Church
Theme: Look, the tears of the oppressed
DAY 5
Theme: Singing the Lord’s song as strangers in the land
DAY 6 – Episcopal Church in the Philippines
Theme: Just as you did it to one of the least of these…you did it to me.
DAY 7 – Iglesia Filipina Independiente
Theme: ‘What is now does not have to be’
DAY 8 – United Church in the Philippines-Matina Highway
Theme: The justice that restores communion

St. Francis of Assisi Parish, La Verna Subdivision, Davao City

UCCP Crossroads Congregational Church, Bonifacio Street, Davao City

Sta. Ana Shrine Parish, Sta. Ana Avenue, Davao City

Lutheran Church, Matina Aplaya, Davao City

Episcopal Church of the Philippines, Matina, Davao City

Sa matag selebrasyon dunay pipila ka mga bulohaton sama sa pagprosesyon sa krus padulong sa altar, pagbutang ug bato nga ilang ihalad o itapok sulod sa altar diin kini nagsimbolo sa pagtuo sa Dios ug unsa kalig-on ang ilang pagtuo. Timailhan usab kini sa pagtugyan sa tanan nga anaa kanimo sa Dios. Duna sa’y bahin sa paghinuklog sa mga sala dayon pagkanta sa kyrie. Dugang pa, adunay usa ka Daang Tugon o Bag-ong Tugon nga pagbasa ug kini pagasundan sa usa ka pagbasa sa Ebanghelyo. Pagkahuman, ang host nga ministro sa simbahan mopaambit sa iyang mga panabot bahin sa kalihokan o direkta nga ipaambit ang iyang mga hunahuna bahin sa mga pagbasa. Ug unya, gawas sa host nga ministro sa simbahan, adunay mga testimonya nga magagikan sa mga layko o mga myembro sa host church. Pagkahuman, sundan kini sa usa ka pagpataliwala o katilingbanong pag-ampo. Sa katapusan, kini pagasundan sa usa ka talagsaon nga panapos nga pag-ampo diin kini giampo sa lahi nga paagi sama nga ang matag delegado kinahanglan nga magdagkot og kandila samtang sila magpormag usa ka dakong lignin.

Sa pakiglambigit sa pito sa mga simbahan ug uban pang mga Kristyanong denominasyon, dako ang paglaom nga sa umaabot magkahiusa ang tanan sa ngalan sa gigikanan sa atong pagtoo si Kristo Hesus? (Christine Camus and Angelo Espinas)