Ang Anak Sa Gawas

Dear Ate Emz,

Usa ko sa mga masugid nga tagasubaybay sa mga kasinatian nga gipaambit sa mga ordinaryong tao. Mao nga na encourage sab ko nga magsulat kanimo. Gidasig ako nga ipaambit ang akong kaugalingon nga istorya sa paglaom nga ang uban maka-relate or makakat-on usab bahin niini.

Duna akoy igsoon sa lain nga inahan. Dili kami ingon ana ka close sa akong igsoon kay tungod nagdako kami sa lain-laing puder ug halos magka edad lang mi magulang siya kanako, 37 years old siya ug 35 years old ako.

Ang iyang tinagdan sa akoa medyo cold kay siya ang legitimate nga anak ug ako ang dili. Apan ang among amahan anaa sa amoa ga-ulian. Usa kini sa mga dahilan nga dili maayo ang iyang buot kanamo. Bisan sa kaniadto pa mga gagmay pa kami duna gayud barrier ang usag-usa kanamo.

Boot ko nga mu reach out sa iyaha apan siya ang naga iwas. Dili ba nga ang sayop sa akong amahan, sa akong Amahan lang? Murag ang nahitabo damay damay na.

Ang akoa lang nga kung unsa man ang issue sa among mga ginikanan dili unta maapektohan ang among relasyon as magsoon. Medyo taas2x na ang among mga edad unta dili na muabot pa nga maniguwang kami nga lain ang boot sa usag-usa. Unsa kaha ang maayong buhaton?

Daghang salamat daan sa mga tambag nga imong mahatag.
Joshua

* * * * * *

Dear Joshua,

Sa sitwasyon ninyong mag-igsoon karon, makasulti kita nga kasagaran ang binuhatan sa ginikanan, ang inosenteng mga anak gyud ang naga suffer. Subo kaayo paminawon nga kamong mag-igsoon sa amahan naay dili pagtinagdanay og maayo. Salamat tungod ikaw naningkamot mag-extend sa imong kamot aron unta bisan kamo nalang nga mga anak ang magsinabtanay.

Makaingon kita nga swerte ka tungod kay ang imong tinuod nga amahan naa sa inyo nagpuyo. Apan wala kita nasayod ngano nga naa siya dinha sa inyo ug wala didto sa usa nimo ka igsoon. Unsa kaha ang hinungdan?

Sa imong edad nga 35 anyos na, nagatuo ako nga kamong duha sa imong amahan mahimo nang mag storyahanay bahin ani. Father-and-son talk or dialogue na pamaagi. Puede nimong pangutan-on unsay rason ngano naa siya dinha sa inyo, bisan pa ikaw ang illigitimate nga anak. Naa koy pangagpas nga ang hinungdan siguro sa “cold shoulder” nga ginapakita sa imoha sa imong igsoon mao nga basin naay gisulti ang iyahang inahan nga naka cause ug gap sa iyahang pakikitungo sa imoha. Basin pud nga ang kasuko sa inahan dinha sa imong amahan dako ug lawom gyud kaayo ug iyaha kining napaambit sa imong igsoon, hinungdan nga nagdevelop sab ug kasuko sa inyong mag-ama karon.

Salamat og ikaw gyud ang naningkamot nga makigsuod unta sa imong igsoon. Nagpaila kini nga naa kay maayong buot ug positibo nga panglantaw sa inyong sitwasyon. Murag lain man gud bation usahay nga sa imong kinabuhi naay mga tawo nga dili mudawat sa imong pagkatawo, labaw na kung kini imong igsoon. Siguro kung itandi kamong duha sa imong igsoon, makasulti kita nga ang imong sitwasyon medyo mas peaceful pa, tungod maayo ang imong disposisyon bahin niini. Apan sa imong igsoon, nagtuo ako nga lisod pas-anon ang kasuko nga dugay nang ginahuptan. Busa, nanginahanglan sab siya og pag-ampo nga unta maka let go na siya aning pagbati.

Sa pagkatinuod lang, wala man gud kay control sa mahimong reaction sa imong igsoon bisan pa daku kaayo ang imong gusto nga magtagdanay gyud mo og maayo. Apan dili pa siguro siya andam niini. Sa kasamtangan, ayaw lang walaa ang imong pag-laom nga moabot ang adlaw nga naay pagbag-o sa inyong sitwasyon. Padayon lang sa imong pag-ampo nga muhumok ang iyang kasing-kasing. Padayon lang sa imong pagpaningkamot nga tingugan siya bisan pa nga bugnaw ang iyang pagtagad sa imoha. Kinahanglan gyud ang labaw nga pagpailob gikan sa imoha kay ikaw man ang naay kapasidad aning kinaiya. Just continue to pray for his well-being in spite of his negative attitude towards you. Nothing is impossible with God. Siya na ang maglihok sa tanan nga dili nimo mabuhat.

Naay panultihon, PILDI LANG ANG MAGLAGOT, gani sa tinuod lang, mas nanginahanglan siya og pag-ampo nga ma let go lang niya kung unsa man ang mga negativities nga iyahang ginahuptan karon. Nagatoo ako nga bothered sab siya sa inyong sitwasyon. Apan sa imong kabahin, padayon lang sa imong mga LOVING ACTIONS kay naa gyud kini’y mga resulta sa umaabot nga panahon. Lugwayi pa ang imong pasensiya ug maayong buot sa iyaha. This will give you a sense of serenity…ang pagdawat sa kasamtangang sitwasyon.

Hope springs eternal, Joshua. May your positive outlook/attitude bring forth positive outcome of acceptance, reconciliation and eventually peace in your hearts. Leave everything in the hands of the Lord, even as you try your best to be a brother to him too.

God bless you more,
Ate Emz