Hantod Kanus-a Ko Mag-Antos?

Dear Ate Emz,

Usa ako ka dialysis patient, 35 years old, single. It’s been several years nga sige lang gihapon undergo og dialysis. Sa pagka tinuod lang, gikapoy na ko ug naluoy na gyud ko sa akong mga ginikanan. Kini tungod kay murag wala na pud katapusan ang ilahang pagpangita og pamaagi aron masustener ang mga galastoson sa akong mga medical needs.

Ang sa ako lang, hangtud kanus-a ako mag antus? Dili ba dautan nga usahay ang mga unod sa akong pag-ampo nga putlon na lang sa GINOO ang pisi sa akong kinabuhi aron mahimutang na ako? Dawat ko na ang tanan nga mao na gayud kini ang akong kapalaran. Dili na unta ako mag antus aron maka pahulay na. Bisan pa niini dako gihapon akong pasalamat sa GINOO nga gihatagan pa niya ako og panahon sa paghinulsol sa akong mga kasaypanan. Salamat gayud GINOO.

Kate

* * * * * *

Dear Kate,

BAWAT GISING, BLESSING. Salamat sa Ginoo gihatagan ka ug gasa sa kinabuhi bisan pa tuod nga naa ka taliwala sa sakit nga dugay na nimo ginadala-dala. Valid man ang imong mga gi-pangbati ug gi-panghunahuna nga unta “putlon na lang sa Ginoo ang pisi sa akong kinabuhi”, dala sa pagka desperado ug kalooy sa imong kaugalingon ug sa imong mga ginikanan nga walay puas ang paghigugma nimo ug pagpaningkamot nga makakita sila og pamaagi nga naay magamit sa imohang mga medical needs. Usahay dili gyud nato matungkad kung ngano gitugotan sa atong Ginoo ang mga sitwasyon sama sa imong kahimtang. Tungod sa atong limitadong kahimtang isip tao lamang, ato na lang gyud isalig sa Ginoo kining tanan kay naa man gyud Siya’y plano alang sa usag-usa kanato.

Kining imong kasinatian nakapahinumdon kanako sa akong igsoon nga nag-antos sab sa sakit nga kanser og na bedridden sab siya hangtud sa katapusan sa iyang kinabuhi. Dili gyud ko kalimot sa pulong sa pari nga nagbisita kaniya. Matud pa sa pari, mas labing BLESSED daw ang mga masakiton kay naa sila’y higayon o oportunidad sa paghalad sa ilang mga pag-antos ug mga kasakit alang sa ilang KALUWASAN ug sa tanang tawo sa kalibutan, ug alang sa tanang mga kalag sa purgatoryo. Dugang pa niya, buhaton nato og labaw nga mahinungdanon, makahuluganon ug bililhon ang hatag discomfort, bawat kirot o hapdi nga mabati sa atong lawas, mga pag-antos dala sa atong kahimtang, etc. Pinaagi sa paghalad niining tanan sa Ginoo, nothing is wasted! Usa gyud kini ka gasa ug blessing nga naa gyu’y tumong og hinungdan ang tanan! Busa, kung ingon ani ang panglantaw sa kahimtang, ang pagdawat sa kasamtangang sakit/balatian mamahimong luag sa atong kabobot-on ug kasingkasing. In this way, all the pains become suffering with pleasure because it has meaning and value! Og mao nga sa ingon ani nga panglantaw nag-ingon kadtong pari nga PINANGGA GYUD SA GINOO ang mga masakiton ug naa pa gyud sila’y MISYON sa kinabuhi. Ang ilahang mga pag-ampo ginadungog gyud sa atong Ginoo.

Sa usa ka homily sa pari nga akong nadungog, naa daw usa ka saint (I cannot remember the name) nga iyahang ginahalad sa Ginoo ang tanang mga pag-antos ug sakripisyo nga iyang masinati ug gina-welcome gyud daw niya ang mga pagsulay nga moaboat kaniya. Gani, nagahangyo pa gyud daw siya sa Ginoo nga padalhan pa siya og dugang pang mga pagsulay/pag-antos/sakripisiyo, aron daghan pa gyud siya’g higayon sa pag-halad niini balik sa Ginoo, apil sab ang iyahang mga intentions niini! This is how her pains have become a pleasure all for the glory of God and for the salvation of souls. What a meaningful life!

Sa imong kabahin, Kate, hinaot unta nga dili ka mawad-an og paglaom tungod naa ka pa’y mahinungdanon nga MISYON sa kinabuhi. Pinaagi sa hingpit nga pagtoo sa Gugma sa Ginoo kanimo, ug pagsalig sa Iyang mga plano, gaan unta sa imong kasingkasing ang pagdawat ining tanang mga pag-antos.

Karong panahon sa bag-ong tuig, hinaot unta nga bag-ohon sab nimo ang imong panglantaw sa imong kahimtang. Duyog sa atong Ginoong Hesus, tuguti Siya nga tabangan ka sa pagpas-an sa imong krus, og puno sa Iyang Gugma kanimo, imong madawat ang mga gasa nga Iyang pahinungud alang kanimo, hangtud masinati nimo ang resurrection from your pains and sacrifices. Kapit- kamay sa atong Mahal na Ina, ang Birheng Maria, hinaot nga matagamtaman nimo ang bag-ong paglaom samtang naglawig ka aning kalibutan. Ang tanan, GASA SA GINOO, ug sa walay puas nga pag-ampo, may your love for Jesus grow, and your faith in the Almighty Father deepen all the more.

Hoping and praying that in every dialysis that you undergo, let each cleansing of your body be considered as the cleansing of your spirit that you may be purified and sanctified in the process. Let the redeeming blood of Jesus flow into every blood vessel of your body, purifying every bit of your soul as you allow Him to stay and live within you.

Remember, Kate, YOU ARE PRECIOUS IN THE SIGHT OF GOD, HE LOVES YOU, and YOU ARE SURELY AND TRULY BLESSED!

Let each new day bring you a renewed life as you begin this year 2023 with fresh hopes, pleasing and glorifying God in your own little way.

God bless you more,
Ate Emz