Idis Inc. Nagpadayon Sa Media Tour

Matag tuig ang organisasyon sa Interfacing Development Interventions for Sustainability (IDIS) Inc. gapahigayon diha sa kanhing MEDIA TOUR. Kini nga pakig-alayon sa mga taga media usa ka lakang sa pagpalapnag diha sa impormasyon, pagpasabot ug pag-agni sa mga katawhan diha sa pagamping sa kinaiyahan labi na kadtong nagkinahanglan sa preservation.

Ang giadtoan niadtong Desyembre 02, adlawng Byernes mao ang Brgy. Salaysay sa Marilog District. Dinhi makita ang dalan paingon sa mga buntod sa Mts. Makabol-Alikoson Conversation Area diin nakit-an ang usa ka pamilya sa Philippine Eagle. Sa pagka karon dili pa kini mga protected areas ug nanghinaot ang IDIS nga makatabang ang media sa pagagni sa mga katawhan.

Tuod man walay gahom ang mga tawo apan kung ubay-ubay ang mga mulihok sa pagdumili sa padayon nga pagpamutol sa mga kahoy, daghan pod tingali sa mga naa sa gobyerno ang muapruba sa mga lokal nga balaod sa pagprotekta niini.

Sa pakighinabi sa mga lumad didtong bahina, ilang gihangyo nga ang gobyerno, mupatigayon ug mga programa alang sa livelihood. Isip mga Kristyanos, ila na kunong nasabtan, ug dugay nang ginahimo ang pagamping sa kinaiyahan. Tungod niana dugay napud silang wala mipatay ug mga langyaw ug mga ihalas nga mananap alang sa ilang pagkaon. Karon sila manghinaot nga sila tudloan sa saktong mga pagdumala sa mga mananap sama sa pagtukod ug mga piggery ug pagpananom. Sa kining mga paagiha dili na sila mapugos pagusab sa pagpatay alang sa ilang adlaw-adlaw nga panginahanglan.