Sama ni Maria, Palangga kita sa Ginoo

(Excerpt from the Homily of Most Reverend Romulo G. Valles, D.D., on the 70th Parochial Fiesta of Immaculate Conception Parish, Penaplata, Island Garden City of Samal, Davao Del Norte, December 8, 2022.)

Kining maong ebanghelyo karon, ang starring karon sa ebanghelyo mao ang Mahal nga Birhen, usa ka batan-ong dalaga nga mao si Maria. Ang bida sa texto sa ebanghelyo karon mao si Maria ug ang Ginoo. Ang dakong balita, pinaagi kang Maria, matawo ang atong manunubos. Anak sa Dios dili binuhat gikan sa kahitas-an, divine, Diosnon, mahimong tawo diha sa sabakan ni Maria. Wala pili-a ni Maria ug wala magdahom, apan, solely, sa Dios lang, iyang kabubut-on, iyang ipakatawo ang iyang anak sa sabakan nga tawhanon. Limpyo, walay buling, pure sa Langit; ang tawo bulingon og makasasala. Nan, di mana pwede mag sagol kay kontra mana sila—ang minaayo og ang dinautan, ang kahayag og ang kangitngit. Unsaon man pagpakatawo sa Dios? Unsaon niya pag duol kanato? Maoy dakong mysterio kanang dugay nag-apas ang mga Hudeo nga ang labing makagagahom perti gayud niyang higugmaa kanato. Ang iyang pagpangga dili masukod busa lagi ang Dios gipanamkon ni Maria og nahimong tawo. Sa ato pang pagkasulti, ato untang pangutana, kinsa ra man kita? Unsa may nawong nato? Unsa may kinabug-aton nato nga tagdon kita sa Dios? Ang Dios nga makagagahom og Diosnon, kitang mga tawo yano og makasasala, bulingon. Apan mao na ang mysterio nga dili malalis ang tuburan sa kinabuhi, ang tuburan sa kalipay moanhi kauban kanato pinaagi sa Mahal na Birhen.

Si Maria tawo usab sama kanato apan karong adlawa adunay partikular nga kamatuoran sa makausa pa angayan natong buhion na kung ang Dios mahigugma, kung ang Dios mag pangga, kung ang Dios mag pakita sa tinood nga kasingkasing walay maka pugong niana. Base sa atong ebanghelyo, “nothing is impossible for God.” Unya karong adlawa unsay naka nindot? Sa dihang gipanamkon si Maria sa sabakan ni Sta. ana, ang mama ni Maria, ug sa iyang pagkatawo, ang Dios nagpreserve kaniya tawo sama kanato. Apan giandam na Niya si Maria nga walay buling sa sala. Ready nga diin diha kang Maria matawo ang atong manunubos. Busa kana maong mysteryo, unsang mysteryoha na? Kon mo andam ang Dios, kung molihok ang Dios, kon makita sa Dios ang tinguha sa pagluwas kanato sa pagpangga kanato way maka pugong Kaniya. Og si Maria gipanamkon nga walay buling, walay sala, og natawo siya, og karon usa ka batan-ong dalaga. Diri sa ebanghelyo, ay diay, gipanamkon nga walay sala, kay himoon siyang inahan sa atong manunubos. mga igsoon, kung naminaw sa unang pag ampo, ang tuyo, o ang apil sa tuyo sa kaning piyesta sa Imaculada Conception, dili lang paghangad, ang unang pag-ampo ga ingon “unta pud kami, mahimong imaculada, unta pud kami mahinloan sa sala.” Busa unsaon nato kana? Unsaon nato pag puyo ang nindot nga balita? Unsaon nato pag tininuod nga pagdawat niining mysterio karon? Una, miingon si San Pablo karon sa ikaduhng pagbasa,” ayaw kalimti, kamo nga naghupot na sa pagtoo nakadawat na kamo sa tanang mga gasa nga langitnon. Nganu na? kay sa wala pa kamo ma buo, wala pa kamo, ang Dios nag pili na kaninyo.” Gipalawman ni San Pablo ang maong mysterio dili lamang maka pangga kang Maria, tinood na, imaculada conception, she was conceived without sin, gi extend ni San Pablo, “ayaw kalimot kanang prebelihiyo kang Maria ato pud na.” Diha kang Hesus we are blessed with every blessing. Apan ang unang pagbasa, nagpahinumdom pud kanato bisan sa atong pinakapagpangga sa Ginoo, na ang atong pagkapinalangga, sa mata sa Dios, correct na di malalis, pero ang pagpuyo sa pagkapinalangga sa Dios dili kanunay hapsay. Nag pahinumdom ang unang pagbasa ang tawo, matag karon og ugma, mo sipyat, ma pandol, sa atong husto nga dalan sa pagkaanak sa Dios. Makasasala kita, ang unang pagbasa nag pahinumdom kanato sa first sin, didto sa Paraiso, giandam sa Dios, pagka perfect na lugar. Si Adan ug si Eva, nabuhi sa Paraiso unya ginamit ang kabubut-on sa tawo, kay gawasnon na kita, dili pinugos, nisupak sila sa Dios, ang unang sala. Apan kung imong tan-awon, nalain ang Dios, pero kang Adan ug kang Eva ang Dios humok ug kasingkasing. Mao kana sa pagpakatawo sa atong Mahal na Birhen, ang dakong paghandom nato mao nga, ay diay, palangga kita sa Dios og ang Dios, kutob sa mahimo, mangita siya og paagi nga maandam kita nga kita usab mahimong imaculada.