Giunsa nimo Pagpangandam?

(Excerpt from the Homily of Most Reverend Romulo G. Valles, D.D., on the 1st Sunday of Advent and the 13th Parochial Fiesta of Our Lady of Miraculous Medal Parish, Indangan, Davao City, November 27, 2022.)

…Atol niining unang Dominggo sa Adbyento ang suot unta violet, pero pyesta man nagsuot ako sa sinina ug biste sa misa alang sa Mahal nga Birhen pero nakabantay kita ang tanan nga way labot sa vestment kay violet unta pero karon lagi akong gisuot kining pahinungod sa Mahal nga Birhen. Apan ang tanan nga mga pag-ampo karon, mga pagbasa, wala gani kitay Gloria..tungod kay lagi ang diwa sa atong liturhiya panahon sa atong pyesta mao ang panahon, unang adlaw sa Adbyento.

Tuguti ko ninyo mupaambit aning pyesta nga mensahe sulod sa atong pagsaulog karon; ang una ang tuyo sa simbahan niining panahon sa Adbyento nga preparasyon sa pasko. Advent is always understood best, nga kini panahon sa preparation, naa tay gipangandaman. Maayo nga makabantay kita unsa ug kinsa ang atong gipangandaman kay aron ang atong kinabuhi ang atong lihok musibo sa giandaman. Pananglitan mangandam ta kay naa tay adtuon, unya wala ka maminaw kay nay gisulti asa muadto pero wa ka naminaw kay excited lang ka mukuyog lang ka. Maligo man diayg dagat, unya musuot [kag] barong, ang imong sapatos panit pa gyod, unya wa kay baon, sila nagbaon. Kataw-anan na pero importante masayod kita nga ang Advent mao ang panahon nga mangandam kita sa Pasko sa Pagkatawo sa atong Ginoo. Busa balikbalik gyod sa simbahan nga kada tuig, maremind kita sa pagpangandam sa atong kaugalingon. Usa sa giingon sa mga pagbasa karon, ang maong pag-abot (adventus) sa Ginoo, dili kaayo nato masabtan, di kaayo nato mabantayan, sa kalit lamang.

…Giingnan kita panahon sa Adbyento, “prepare for the coming of the Lord.” Dinhi sa mga pagbasa nato karon nindot kaayo ning pistaha, tuguti ako sa pag-ingon, unsay practice nato sa atong kasingkasing? Unsa may exercise aron ready kita sa pagabot sa Ginoo?

1. Nindot kaayo ang salmo, “nalipay ako kay giingnan ako nila, mangadto na kita sa balay sa Ginoo.” Unsaon nato pagka ready sa pagsugat sa Ginoo kung dili nato i-maintain kanang rytmo sa atong kasingkasing nga malipay kita kakita sa Ginoo. Unsaon nato pagka ready nga ang atong consciousness, atong kasingkasing daghan ug gikalingawan? Pananglitan Dominggo karon, nia man tuod pero nangalot sa ulo ba “Murag naka distorbo maning Dominggo sa akong kinabuhi.” Karong Dominggoha ang pangutana, nanabi kaba nga Dominggo karon? Nagsiguro kabag anhi unya bahala sila mangamatay na sila way labot, ako lay adto sa Ginoo… Busa sa kalipay ug kasakit, kung atong i-maintain ang kaikag, interest, ang kainit no matter what sa mga kalipay ug kasakit sa kinabuhi mutigbabaw ang mas lalom nga kalipay nga maka duol kita sa Ginoo. Unsaon pagandam nato sa pagabot sa Ginoo? I-maintain kanunay ang thirst, ang sense of wonder sa Ginoo diha sa atong kinabuhi, unya kung mao kana ang atong nabati, ang malipayon nga interest, ang kagana ang kahinam nga muabot ang Ginoo, mag sultihanay kita, mag-uban kita… ang nature niana nga mangimbitar kita, katilingbanon ang maong kamatuoran
2. Ang tinuod nga timaan nga pagabot sa Ginoo mao ang mahitabo sa imong kinabuhi. Example, muabot ang Mayor karon “maligo ko kay baho kong kabaw,” gikan sa uma mangandam ko. Sa mga pagbasa karon, ingon ni San Pablo “kon kita tinuod naghinamhinam nga muabot sa Ginoo, nga muadto sa balay sa Ginoo, nga muduol sa Ginoo, kung tinuod gyud na, isul-ob nimo ang biste sa kahayag.” Sa ato pa ulaw iduol sa Ginoo kon ang imong biste, biste sa kahakog, maulaw ta muingon nga muadto ako sa Ginoo pero ang imong biste, imong sinina, mapahitas-on, maulaw ta muadto sa Ginoo, kung ang imong pantalon, pantalon sa kabangis, matirang matibay. Maulaw ta muadto sa Ginoo…pero uyon diay ka nga ang kaminyoon mahimong dili larawan sa walay puas nga pagpangga sa Ginoo kung muingon ka “maayo unta ang divorce.” Muadto ta sa Ginoo nga ang kinabuhi, tuburan sa kaayo ug gugma apan sekreto diay approve kita nga “ipaabort nagud na kay daghan na kaayo ta”, lahi ang atong respeto sa kinabuhi, maulaw ta kay mao ni ang atong biste busa ingon ni San Pablo, kon tinuod ka nga nalipay nga muadto sa Ginoo isuot ang biste sa kahayag.