When it rains it pours

Dear Ate Emz,

Minyo na ako ug naa akoy anak nga ulitawo na. Kaniadto aduna akoy permanenteng trabaho sa usa ka kumpanya. Medyo naka luag sa estado kay ang akong asawa duna sab trabaho. Usa ra ang among anak nga angayng tutukan mao nga kaming mag-asawa wala gayud maglisud.

Usa ka higayon dunay pagsulay nga miabot sa among pamilya. Nagkasakit ang akong asawa hinungdan nga kinahanglan niya nga mu pahulay sa trabaho.

Gikinahanglan niya ang igong pahulay aron maka recover sa iyahang sakit. Ako na ang nag-inusarang nanarbaho aron maka sustinir sa mga panginahanglan sa among pamilya labaw na sa mga tambal ug maintenance sa akong asawa. Miabot pa gayud sa punto nga siya operahanan na. Kinahanglan ug kantidad aron siya ma operahan. Dili ko na lang ipaambit kung unsa kini basta adviced for surgery na gayud siya. Napugos ako sa pagleave sa akong gi trabahoan aron sa pagatiman sa akong asawa uban ang akong anak. Naguol ako tungod nahurot gyud ang akong pondo pinansiyal. Dili gyud lalim ang magkasakit kay emotionally draining ug mga pinansiyal nga aspeto. Hinoon kalooy sa Diyos nagmalampuson ang iyang operasyaron salamat sa GINOO.

Sa akong pagbalik sa trabaho, wala ko ma uyuni ang mga estorya nga akong nabatian, nadunggan sa akong superior kay taud2x sab ako wa naka trabaho. Dili ko matulon ang mga pamulong nga akong nadawat so mi resign ako sa akong gi trabahoan.

Nakaingon ako ug sunod sunod man ang akong pagsulay, Ginoo. Stress kaayo ko ug daghan mga butang nga dili maayo ang akong mga nahuna-hunaan. Halos mawala ko sa akong sarili sa paghuna-huna sa mga problema.

Sa pagka karon nangita ako ug ma trabahoan. Unta dunay grasya nga muabot sa akoa, sa among Pamilya nga malampasan namo ang mga problema.

Salamat sa akong mga su-od nga mga higala, ka paryentihan nga dunay masangpit sa panahon nga ako nanginahanglan.

Sayod ako pagsulay lamang kining tanan.

Daghang Salamat,
Ben

* * * * * *

Dear Ben,

Sumala sa usa ka panultihon, “when it rains, it pours”. Usahay makasulti kita nga ang Ginoo, kung magpadala og mga pagsulay, sunod sunod man gyud. Ug makapangutana kita, “ngano man, Lord?” Unsay akong sala nga Iya man ko i-punish og ingon ani ka bug-at? Valid man kini siya nga mga reaksyon ilabi na kung nabug-atan na gyud kita sa pag sagubang niining mga pagsulay.

Sa atong tawhanong kinaiya, dili man gud kita makatungkad sa katuyuan sa Ginoo ngano makasinati kita niining mga kalisdanan. Apan kung hingpit ang atong pagtuo sa Iyaha, kung naa kitay pagsalig nga ang tanan pagbuot sa Ginoo, makaya kining tanan basta mugunit lang kita sa Iyang pulong nga dili kita Niya pasagdan. Sama sa imong gisulti, Ben, nga naa ang imong mga higala, mga relatives nga nagatabang kanimo. Sila ang mga tawo nga gipadala sa Ginoo aron mapaabot kanimo ang Iyahang pag-alalay sa imo ug sa imong pamilya.

I am just wondering kung unsa ang mga ginasulti nimo nga mga storya nga imong nadunggan kadtong nibalik ka sa imong trabaho. Kung unsa man kini, nagatuo ako nga nakahatag ug kalinaw sa imong kabahin ang imong paghawa didto. Nahimo na sigurong “toxic” ang environment nga dili na makatabang sa imong mental health. Ang importante wala ka nagpadala sa mga dautan nimong mga huna-huna. Salamat sa paggiya sa Holy Spirit nga naka gather ka og igo nga kusog sa pag resist ani.

Bisan unsa pa kabug-at sa ginapas-an, kung naay tiunay nga pag-ampo, hinumdumi ang pulong sa Ginoo… “come to me all you who are carrying heavy load, and I will give you rest”. Sa imong pag-ampo, iyagyag Kaniya ang tanan nimong gibati, ang tanang naa sa imong kasingkasing kay Siya naminaw sa tanan. Ug hatagi sab og higayon ang Ginoo nga makapaabot sa Iyang mensahe nimo. The Holy Spirit will enlighten you and strengthen you to face your challenges with a lighter heart because you trust God’s providence. Never give up hope kay usahay dinha gyud sa moment nga gusto ka na mo give up, dinha hinuon magbubo ang Ginoo sa gasa nga imong kinahanglanon! Sumala pa sa usa ka poem, “when you are heavily burdened, rest if you must, but don’t you quit…it’s when things seem worse that you must not quit”.

“My grace is enough for you”, mao kini ang pinulungan sa Ginoo. Dili siya magpadala ug mga challenges sa kinabuhi nga dili nato kaya…kay sa matag pagsulay, naay kaakibat nga mga grasya. Busa importante gyud ang atong pagsalig Kaniya. Ang mga pagsulay naay tumong…mamahimo kitang mas lig-on ug makat-on sa pagpailob sa pagdawat sa kamatuoran nga sa atong kaugalingon, huyang kita, apan kung naa ang pagsalig sa Ginoo, mahimo Niya ang tanan.

Ihalad lang ang tanang mga paningkamot, ang mga kalisod, etc. sa kamot sa Ginoo. Pray for the healing of your wife and strength to carry on for God will not fail to bless you according to His will, in His own way and in His own time. Continue to be patient kay basin mao kini ang virtue nga buot sa Ginoo alang kaninyo.

Makahinumdom ko sa akong amahan, kanunay niya ginasulti nga kung naa ka sa kalisod, HANGAD LANG SA LANGIT and your prayers will be answered. Busa, maging patient lang and deepen your trust in God.

God bless you more,
Ate Emz