Rekoleksyon Alang Sa Mga Ginikanan

Ang ministriya sa Knights of the Altar Servers (KOTAS) kon Altar Servers sa Sacred Heart of Jesus Parish (SHJP) nagpahigayon ug Altar Servers Parent Recollection niadtong Oktubre 30, 2022 nga adunayng tema nga, “Parents’ being Stewards to their sons in their Journey as an Altar Server”. Gipangunahan usab sa pagpaambit sa Presidente sa Parish Pastoral Council (PPC) sa Sacred Heart nga si Bro. Henry Evangelista nga naghatag sa iyang nindot na ideya bahin sa tema ug sa pagpalawom niini alang sa mga ginikanan aron maghatag ug mahigugmaong suporta ngadto sa ilang mga anak nga nagserbisyo sa simbahan. Usa kini ka nindot nga pamaagi aron masabtan sa mga ginikanan ang papel sa ilang mga anak isip mga altar servers. Ang mga ginikanan mao ang unang makahatag ug suporta aron magpadayun ilang mga anak sa pagserbisyo sa simbahan. Usa usab sa mga tumong niining gimbuhaton mao ang pagpatuman sa plano sa mga lideres sa mga altar boys alang sa ilang umaabot nga sending forth karong adlawa.

Kini gibuhat usab nga aktibidad sa mga altar servers dli lang aron mamahimong kabahin ang pamilya sa ilang pagserbisyo kundili gibuhat usab kini aron mao ang maghatag ug dalan sa mga ginikanan nga mag serbisyo usab sa simbahan. Usa usab sa misyon sa mga altar servers ang dad-on ang pamilya ngadto sa simbahan aron mapaduol sa Ginoo alang sa kaluwasan. Pinaagi niining gamay nga aktibidad adunay mga ginikanan nga dako ug kalipay nga sila diay kabahin diha sa pagserbisyo sa ilang mga anak aron malayo sa kadautan og isip pagpangandam sa pagbalik sa atong labawng makagagahom.

Dakong pasalamat sa kinatibuka-ang Parish Pastoral Council sa maaktibong pagpaningkamot sa mga kabataan para sa Ginoo ug inubanan usab sa giya og pahimangno sa Kura Paruko, Fr. Bong Gonzaga. (Armond Harrold D. Lozano | KOTAS Coordinator, SHJP – Obrero)