Ministeryo sa Obispo

P: Kanus-a gibansay ang pagkadili-gayod-masayop nga pagpanudlo sa Mahisteryo sa Simbahan?

            T: Gibansay ang pagkadili-gayod-masayop nga pagpanudlo kon ang Santo Papa, sa gahom sa iyang opisyo isip Kinatas-ang Magbalantay sa Simbahan, o ang Hugpong sa mga Obispo nga hiniusa uban sa Papa labi na kon magkatigom sila diha sa usa ka Konsilyo Ekumeniko, mopahayag sa usa ka tataw nga akto sa usa ka doktrina nga kabahin sa pagtoo o sa moral. Ang pagkadili-gayod-masayop gibansay usab kon ang Santo Papa u gang mgta Obispo diha sa ilang ordinary nga Mahisteryo nagkauyon sa pagpanudlo sa usa ka tataw nga doktrina. Ang matag usa s matuohon kinahanglan nga modawat sa maong pagpanudlo uban sa masinugtanon nga pagtoo.

P: Unsaon man pagbansay sa mga Obispo ang ilang ministeryo sa pagbalaan?

            T: Gibalaan sa mga Obispo ang Simbahan diha sa paghatag sa grasya ni Cristo pinaagi sa pangalagad sa pulong ug sa mga sakramento, ilabina sa Balaang Eukaristiya, ug ingon man sa ilang mga pag-ampo, ilang panig-ingnan ug ilang buhat.

P: Unsaon man sa mga Obispo pagbansay ang ilang tahas sa pagdumala?

            T: Ang matag Obispo, diha sa iyang pagkasakop sa Hugpong sa mga Obispo nagabaton sa hinugpong nga pag-atiman sa tanang mga tinagsa-tagsa nga Simbahan ug sa tibuok Simbahan duyog sa ubang mga Obispo nga nahiusa sa Papa. Ang usa ka Obispo nga gitugyanan sa usa ka Simbahan nagadumala nianang maong Simbahan uban  sa awtoridad sa iyang kaugalingon nga sagradong gahom. Iya kining gibansay sa paagi nga kasagaran ug dihadiha-dayon ug sa ngalan ni Cristo, ang Maayong Magbalantay, hiniusa uban sa tibuok Simbahan ug ubos sa paggiya sa Sumusunod ni Pedro.

(Cf. Kompendiyo sa Katekismo sa Simbahang Katoliko, 185-187)