Pagpasabot Sa Kabalaan Sa Sakramento Sa Kasal

Nagpahigayon og usa ka Amansibado Seminar ang Family & Life sa St. Jude Shrine Parish alang sa napulo (10) ka paresan nga nag ipon-ipon isip magtiayon nga wala pa nakasal ug ang uban nakasal na pero sa kasal sibil.

Gihimo kini niadtong Oktobre 1, 2022 alas 8:00 sa buntag hantud alas 5:00 sa hapon diha sa Arch. Capalla Hall sa St. Jude. Ang duha ka adlaw unta nga seminar gihimo na lang nga usa ka adlaw aron dili kaayo malisdan ang mga partisipante tungod kay ang uban giuban ang mga gagmay’ng anak. Gipaningkamotan sa mga tigpasayon nga bisan limitado ang oras, ila gihapong mapasabot nga mahinungdanon kaayo ang Sakramento sa Kasal nga ilang madawat.

Nahimong malampuson ang maong seminar ug ang ilahang kasal himuon karong Oktubre 15, 2022 sa alas 9:00 sa buntag. Dako ang pasalamat sa FLA sa mga pangulo sa mga GKK ilabi na sa among Kura Paroko, Padre Roy F. Mejias. (Ester C. Florece | Parish SoCCom)