Ang Santo Papa Ug Mga Obispo

P: Unsa man ang misyon sa Santo Papa?

T: Ang Santo Papa, Obispo sa Roma ug Sumusunod ni San Pedro, mao ang makanunayong, Makita nga tinubdan ug sukaranan sa panaghiusa sa Simbahan. Siya ang bikaryo ni Cristo, ang pangulo sa Hugpong sa mga Obispo ug magbalantay sa malukpanong Simbahan. Sa pagdumala niining Simbahana aduna siyay gahom nga gimbut-an sa Dios, hingpit, dihadiha-dayon ug malukpanon.

P: Unsa man ang kabatid sa Hugpong sa mga Obispo?

T: Ang Hugpong sa mga Obispo nga hiniusa uban sa Papa, ug dili gayod mahibulag kaniya, usab nagabansay og hataas og hingpit nga awtoridad sa pagdumala sa Simbahan.

P: Unsaon man pagtuman sa mga Obispo ang ilang misyon sa pagtudlo?

T: Tungod kay sila man ang matuod nga mga saksi sa pagtoo nga apostolikanhon ug gisul-oban sa awtoridad ni Cristo, ang mga Obispo nga hiniusa uban sa Santo Papa adunay katungdanan sa pagsangyaw nga matinumanon ug ginamhan, sa ebanghelyo, ngadto sa tanan. Pinaagi sa latas-nga-natural  nga pagsinati sa pagtoo, ang katawhan sa Dios walay pakyas nga nagapabilin sa pagtoo ubos sa paggiya sa buhing Mahisteryo sa Simbahan.

(Cf. Kompendiyo sa Katekismo sa Simbahang Katoliko, 182-184)