Wa Damhang Pagkapriso

Dear Ate Emz,

Sa kaniadto, nindot kaayo ang akong pamuyo kauban ang mga mahal sa kinabuhi nga mao ang akong pamilya. Naay kabilin ang akong Lolo og usa ka gamayng negosyo nga panginabuhian. Ako ang maoy gipagunit sa pagpa-renta og sound system. Bibo kaayo kaniadto kay sa wala pa ang pandemya, ang kalingawan halos matag adlaw or di ba kaha matag semana duna gayud mu abang kay lagi uso kaniadto ang kalingawan ilabi na kung dunay okasyon o piyesta. Nindut ang dagan sa maong panginabuhian nga maka sustain gyud sa mga panginahanglan. Kung dunay mga madaot nga piyesa o equipment, ako ra ang muayo kay sa gidugayon naka kat-on na sab ako sa pag-ayo niini.

Miabot sa punto nga sa walay swerte kauban ang mga higala, barkada nadamay ako sa pagsikop sa usa ka drug related operation. Diay to ang usa sa akong mga kaubanan niadtong higayona gimanmanan na diay ug under surveilance na. Ug sa dihang siya gi dakop apil ang mga kauban sa tapok ug usa ako ngadtong higayona. Napabayaan nako ang akong mga kabilinggan sa kinabuhi, ang panginabuhi pati akong pamilya. Na kustudiya ako nga milungtad ug hapit usa ka tuig. Wala akoy laing gina sangpit kundili ang akong pamilya ug ang GINOO. Mura ako ug nawad-an og paglaom. Maayo na lang ang akong Pamilya anaa todo suporta.

Dako kaayo ang akong panglantaw sa kung unsa ka importante ang pamilya ug unsa ka kamahinungdanon sa atong kinabuhi. Busa unsa may dangatan, Pamilya gayud ang mas matimbang.

Nagpapasalamat,
Raniel

* * * * * *

Dear Raniel,

Salamat sa Ginoo, nalampasan ra gyud nimo kini nga pagsulay. Dili lalim ang kinabuhi sa likod sa rehas, samot na kung ang hinungdan nagkataon lang nga naa ka sa pundok ug nadamay ka lang. Ako lang ma-imagine kung unsa kaguol ang mga mahal nimo sa kinabuhi ilabi na ang imohang pamilya. Lawom kaayo ang trauma nga imong nahiagoman, apil na sila, sulod sa dugay nga panahon. Apan nasayod kita nga kining tanan gitugutan sa Ginoo kay naa Siya’y mensahe alang sa tanan. Ang importante wala kamo Niya gipasagdan.

I agree with you, sa oras sa kagipitan, walay laing mga tawo ang mo-unong sa atoa, kondili ang PAMILYA ra gyud. Mao kini ang usa ka gasa sa Ginoo nga nagpamatuod nga naa gyud Siya kanunay sa atong kiliran. Walay laing mga tawo ang labaw nga makasabot sa sitwasyon ug walay puas ang mahigugmaong pagdawat sa mga panghitabo. Sila ang nagapalig-on sa imong kaugalingon aron dili ka mawad-an og paglaom sa kinabuhi. Ilabi na kung imong mahinumdoman nga naa kay anak nagahulat kanimo.

EVERYTHING IS GRACE… matud pa sa usa ka panultihon. And sometimes God writes straight with crooked lines (Ann Hall Marshall). He allows things to happen for a reason. Nasayod ako nga sa adlaw-adlaw nga naa ka sa sulod sa prisohan, ang Ginoo ra gyud ang imong gihawiran. Dugang pa niini nagtuo ako nga ang sitwasyon nakahatag kanimo og higayon nga mas moduol ka Niya, mas molig-on ang imong pagsalig nga dili gyud ka Niya pasagdan. Sa mga higayon nga nag-inusara ka, taliwala sa kahilom sulod sa imong selda, dinha nimo nasinati nga wala ka nag-inusara ug giubanan ka sa presensiya sa Ginoo. Sa kahilom mas kusog nga madungog nimo ang Iyahang mensahe ngano nahitabo kining tanan. You must have heard and felt His comforting words and these have given you the strength, courage, patience, and humility to carry your cross with Him and the miracle of conversion took place.

Mahinongdanon ang kinabuhi…sumala sa imong gipadayag sa sulat. Nagtuo ako nga gikan sa imong kasinatian, mas mapasalamaton ka niining gasa ug sukad ani naningkamot ka nga magpuyo subay sa kabubot-on sa atong Ginoo, kauban sa imong pamilya. This is all that matters. Dalha sa inyong paglawig aning kalibutan, ang uban pang mahinungdanon nga mga pagtulon-an nga imong nakat-unan sa kini nga hugna sa imong kinabuhi.

Hinaot nga daghang kabag-ohan sa imong pagkatawo, pagsalig ug paghigugma sa Ginoo.. May your life as a family be a daily song of praise and thanksgiving, glorifying Him more, for His endless blessings. Indeed ,God’s grace will always be enough each time we face trials in life.

God bless you more.
Ate Emz