Recollection ug Commissioning sa SMPRP LCC

Ang parokya sa St. Mary of the Perpetual Rosary Parish sa Buhangin ilalom sa pagpangulo ni Rev Fr. Dionisio Tabiliran nagpahigayon ug commissioning ceremony sa tanang Lectors, Commentators, Cantors ug Psalmists nga gikan sa nagkalain-laing GKKs sa maong parokya niadtong Dominggo, Agosto 28, 2022 atol sa alas dies nga misa nga gipangulohan ni Rev Fr. Romeo Coronel.

Adunay mga kapin usa ka gatos (100) nga mga bag-o ug daan nga mga LCCPs nga mibag-o sa ilang panaad sa pagserbisyo diha sa ilang GKKs ug sa parokya ilabi na sa pagsangyaw sa Buhing Pulong sa Dios.

Atong mahinumdoman nga tungod sa pandemya sa miaging mga tuig, ang parokya wala nagpahigayon niining maong kalihokan sa ministriya. Apan tungod ky gitugutan na karon ang “face to face” nga panagtapok ang parokya nagpasiugda ug usa ka LCCP Recollection niadtong Agosto 7,2022 isip requisitos sa commissioning.

Gitapos ang malampusong kalihokan sa gamayng salo-salo ug panag abi-abi sa usag-usa. (Preny Milan | SMPRP Soccom)