Ang Pagpuyo Isip KOA

“Not with blows, but with charity and gentleness must you draw these friends to the path of virtue.” Mao kini ang mga pulong sa damgo ni St. John Bosco nga gipaambit ni Rev. Fr. Ariel Arias, SDB, Parochial Vicar sa Mary Help of Christians – Dacudao niadtong unang adlaw sa Induction ug Renewal sa mga Knights of the Altar Servers.

Sulod sa duha ka adlaw gikan Hulyo 28 gihatagan ug dakong pagtagad ang mga myembro sa KOA sa maong parokya sa paghatag kanila ug makahuloganon nga talk diin gisaysay kung unsa ang mga pamaagi aron mahimong maanindot ang pag-puyo isip mga Kristyanos.

Sa ika duhang adlaw mao ang induction rites ug renewal sa mga KOA kung diin puno sa pasalamat ang gipaambit sa KOA Coordinator nga si Christian G. Saganay uban sa mga admin sa maong ministriya, “Isip usa ka coordinator sa KOA, manghinaot ko na ang among mga gipangbuhat sa unang adlaw na mga activity ma apply namo sa tagsa-tagsa nga kinabuhi dinhi sa pagserbisyo sa simbahan. Nanghinaot ko sa mga KOA na gampanan nila ang ilang mga panaad aron kini mahimong mabungahon ilabina sa tagsa-tagsa nga mga GKK.” (Honey Vine | MHCP SoCCom)