Unang Kapistahan sa Bag-ong GKK sakop as OLMMP

July 30, 2022 — usa ka masadya nga adlaw alang sa taga Anita phase 1 San Miguel Indangan, tungod kay natuman na gayod ang pangandoy sa maong katilingban nga makatukod og GKK ug makaselebrar sa pinakaunang kapistahan. Nagsugod ang Santos nga Misa alas 10:30 sa buntag nga gipanguluhan mismo sa kura paroko sa Our Lady of the Miraculous Medal Parish nga si Rev. Fr. Jesus Samaniego.

Ang GKK sa Anita phase 1 San Miguel Indangan namugna niadtong Abril 24, 2022 ug kini gikauyonan sa tanang lumulupyo sa Anita nga mga Katoliko nga si Sta. Ana ug San Joaquin ang mga Patron, ika-32 nga GKK sa Parokya sa Our Lady of the Miraculous Medal. Ang gibasehan nga namugna ang GKK mao ang census form nga adunay 52 ka miyembro ang maong GKK. Nagtinabangay ang mga lumulupyo aron makatukod ug kapilya ug ang ang unang panagtigom nahitabo kaniadtong Abril 24, 2022 nga nakahimo ug eleksyon para sa GKK Servant Leaders.

PSK: Manuela Geverola
PSL: Niño Pelingon
PSP: Gina Mangadlao ug Jovelyn Arnado
PSA: Rosalie Pelingon, Roger Fortugaliza & Jane Rose Lanzaderas
Soccom: Grace Tequio, Helen Villarosa & Reynelda Vido
Treas: Julieday Alvar
PSKB: Myrna & Melchor Elegan
PSB: Jhon Royce Daquiado

Sa homiliya ni Fr. Jess, gidayeg niya ang katilingban tungod sa pagpursige sa pagtukod sa kapilya sa hamubo lamang nga panahon ug nagdasig sa mga GSL nga magmalahutayon sa pagpangalagad ug partisipasyon ilabi na kung adunay mga proyekto ug kalihokan sa parokya.

Kining pagtukod sa ika 32 nga GKK sa Our Lady of the Miraculous Medal Parish usa ka dakong timaan nga ang mga GKK sa Archdiocese of Davao nagmabungahon ug naghatag ug dako nga kalambigitan sa Kristohanong kinabuhi sa mga katolikong Dabaweño.

To God be the glory!