“Kung gusto ka nga magmalipayon, pagmatinumanon”

Sa pinaka-unang higayon, gipahitabo dinhi sa Dabaw sa Regional Major Seminary Catalunan Grande ang naandan nang pormasyon nga kasagarang didto sa Tagaytay alang sa mga DADITAMA Young Clergy nga anaa sa ika-lima hangtod sa ika-pulo nila nga tuig sa pagkapari ug kini dunay tema nga “Harnessing the Power to Love”.

Niadtong Hunyo 12 hangtod 24, 2022 kinse sa mga young clergy gikan sa upat ka mga dayosesis ang misalmot ug usa na niini ang Vocation Director nga si Fr. Ronald “Dodong” Arcillas. Sumala pa kaniya kining iyang pag-apil “by virtue of obedience”. Una pa niya na dawat ang maong sulat, nakahuna-huna na siyang muboluntaryo isip myembro sa secretariat committee apan siya gisangunan sa pag-apil.

Labing makahuloganon ang mga “group sharing” alang kaniya tungod makadungog siya sa laing kasinatian sa iyang mga kaubanang clergy ug sa matag paambit duna gayod siyay nakutlo. Sumala pa niya, labing importante sa kinabuhi sa mga pari ang mapadayunong pormasyon ug padayon nga pagkat-on. “Sayop nga pagsabot nang gipadala mi o gipaapil mi aning mga pormasyon tungod naa mi problema, ug buot hunahunaon tanan man ta naay problema, niapil ko ddto kay aron ug naa koy problema makabalo ko unsaon pag-atubang, apil pud sa lay people,” sulti ni Fr. Dodong.

Ang nagpaluyo niini nga pormasyon mao ang TAGABADBAD Foundation Inc. nga ang kahulogan mao ang akto sa pag-”untie sa knots” sa kinabuhi. Kini nga pormasyon usa ka kasinatian sa pagkat-on tungod kay kitang tanan dunay “knots” o bugkos sa kinabuhi: sala, problema, stress sa trabaho. “Thanks be to God for this formation, helpful, pinaagi sa sharing, individual counseling, di man tanan nahubad, pero nabuhinan, praying na makatabang sa uban nga maka badbad sa ilang hikot, grateful looking forward nga makatabang sa uban ug badbad,” kini ang mga panghinaot ni Fr. Dodong human ini nga pormasyon.

Sa pangutana kung unsang hiyas ang gusto niyang pangayuon sa Ginoo, tubag ni Fr. Dodong hinaot mamahimo siyang matinumanon, labi na diha sa atong Obispo. “Kung gusto tang magmalipayon kita magmatinumanon.” Sa iyang mga kasinatian, pila na ka higayon siyang wala magdugay sa iyang mga assignments o tahas ug dunay panahon nga hapit na siya nangluod apan sa dili madugay siya nagmahimong masulondon nga walay bagulbol ug siya nagmalipayon bisan asa man siya gibutang.

Sa pamalandong ni Fr. Dodong, diha sa iyang pagtuman, labi na sa obispo, mas mapalambo niya ang iyang relasyon sa Ginoo dugang niya, “the fullness of my priesthood includes my relationship with the bishop, without him I will not be able to fulfill my mission. Same pud kay Mama Mary na nag yes. Bug-at ang trabahuon kung dili maayo ang relasyon apan kung maayo ang relasyon, gaan ang bulohaton.”