Maria Mananabang sa mga Kristyanos

Nagmalampuson ang gipahigayong paginstalar sa bag-ong Kura Paroko sa Mary Help of Christians Parish, nga si Rev. Fr. John L. Cardinal, SDB, ug ang pagpresentar sa bag-ong Parochial Vicar nga si Rev. Fr. Ariel Arias, SDB, niadtong Hunyo 26 tuig 2022. Gipangulohan kini sa atong halangdon nga Arsobispo sa Dabaw, Most. Rev. Romulo G. Valles, DD. Kini gitambungan sa kanhi Kura Paroko (ika-duhang Kura Paroko) Rev. Fr. Adriano Satura, SDB, Rev. Fr. Dodofredo Atienza, SDB, ang former Kura Paroko, Rev. Fr. Marcelino Benabaye, SDB, inubanan ni Msgr. Jaime Gamboa nga mao ang mibasa sa Appointment Letters.

Gitambungan ang maong higayon sa mga sakop sa parokya nga nahisakop sa nagkalain-laing sona (8) nga gilangkuban sa 23 ka mga GKK. Ang mga parokyano nagmalipayon sa pagdawat sa bag-ong Kura Paroko ug mapasalamaton usab sa kanhing Kura nga si Rev. Fr. Marcelino Benabaye, SDB. Sama sa giingon sa atong halangdon nga Arsobispo sa Dabaw, “Going out, leaving ug ang arrival sa usa ka pari is a cause for joy… kay ang pagpagpangalagad sa simbahan always tawag sa Ginoo, always moved by the spirit…”

Sa katapusan, dakong kalipay ug mapasalamaton usab si Fr. John nga kaabag niya ang mga pangulo sa GKK nga motabang sa iya sa paggiya sa pagdala sa simbahan ug sa mga parokyano. Alang kaniya usa ka dakong hagit nga mamahimong Kura Paroko apan dako usab kining grasya gikan sa Ginoo. (Arrafe Sumampong, SoCCom)