Pagbuhi sa Youth Apostolate, tumong sa Fatima Parish

Nagluya ug nahinay og kawala.

Kini ang namatikdan sa mga kaparian sa Our Lady of Fatima Parish, Fatima Street, Davao City mao ginapaningkamotan nila ang pagbuhi sa youth apostolate sa parokya.

Sa pakighinabi sa DCHerald, giingon sa parochial vicar ug youth incharge nga si Fr. Jupiter Morales nga dako ang panginahanglan nga palihokon ang apostolado alang sa mga batan-on ilabi na nga kadaghanan sa mga parokyano sakop sa maong edad.

Sa pagka-karon, gihatag sa parokya ang last Mass matag Domingo sa mga kabatan-onan diin sila ang gitahasan nga maoy mangulo sa pagbasa ug sila maoy mga miyembro sa choir.

Sumala ni Fr. Morales, kini gihimo aron adunay sense of belongingness ug sense of ownership ang mga batan-on sa Mass for the youth matag Domingo, alas sais sa gabii.

Dugang usab niya nga mas aktibo ang mga batan-on kung kabahin sa ilang pormasyon ang paghatag ug mga kalihokan nga sila maoy mangunay og lihok.