Orihinal nga Komposisyon sa Kanta Gipresenta sa Matag Ministriya sa San Roque Parish, Malabog

Niadtong Hunyo 12, 2022 sa ala-una sa hapon hangtod sa alas tres malipayon nga gisaulog sa mga Parokyano ang GKK DAY sa ika-50 nga Kasumaran sa GKK sa San Roque Parish, Malabog uban sa tema: “GKK Gasa sa Dios sa Davao, Nanag-uban sa Panaw sa Diwa sa Pagkapiniyalan 50 Anyos Na Sa Misyon”.

Human sa Santos nga Misa gisugdan dayon ang programa sa likod sa simbahan sa bag-ong pahumanay nga Seminar Hall sa parokya.

Gisugdan sa pag-ampo ni Sr. Charisma Dela Rosa, PSP sa GKK San Isidro Labrador dayon misunod ang welcome message sa GKK Coordinator nga si Felicisimo Pedrosa.

Sa wala madugay gisugdan na ang presentasyon sa matag Ministriya ug gibasa sa taghukom ang basehan sa maong presentasyon.

Kini mao ang han-ay sa mga mipresenta:
Ang unang nag presenta mga Pangulo Sa Katilingban,
Ikaduha ang mga Pangulo sa Liturhiya,
Ikatulo ang mga Pangulo Sa Panudlo,
Ika-upat ang mga Pangulo sa Alagad,
Ikalima mao ang Center Organization,
Ika-unom mao ang SoCCom,
Ika-pito mao ang mga Pangulo sa Batan-on,
Ug espesyal nga presentayon gikan sa mga Evangelizers

Ang nahimong mananaog sa maong presentasyon mao ang Center Organization. Human ini naghatag og mensahe si Father Arnold Balaquinto, kura paroko. Matod pa niya malipayon siya ug mapasalamaton sa tanang mga Pangulo Sa Simbahan, mga myembro sa GKK ug mga Zone Coordinator ug PPC members.

Naghatag pud og mensahe si Ms. Leah Bernadino usa ka FLA member ug PSB sa sona 7, matod pa niya nasinati sa tanang parokyano nga ang GKK bililhon ug espesyal nga gasa kanatong mga Kristohanong magtotoo. Tataw kaayo nga nasinati diha sa matag ministriya ang leriko niini nga mapasibaw ang pagkamalipayon sa pagsaulog sa singkwenta ka tuig sa GKK.

Gisunod dayon ang padula og basketball sa mga pangulo nga nag-edad og kwarenta pataas. Naguli ug malipayon ang tanan. (Imelda Overiz, Parish SoCCom)