Pahalipay | Giila sa OPAPRU ang bililhon nga papel sa mga kauban sa kalinaw

Gipasidunggan sa OPAPRU ang mga hingtungdan sa pagtabang sa ahensya sa pagtuman sa mga programa ug proyekto nga karon makapahimo sa mga kanhi manggugubat nga malampusong makabalik sa mainstream nga katilingban ug magpuyo isip malinawon ug produktibong mga lungsoranon.

Gipasiugda sa okasyon ang mahinungdanong tahas sa mga indibidwal, organisasyon ug institusyon sa pagduso sa Comprehensive Philippine Peace Process ubos sa Duterte Administration sa unom ka tuig. Ang mga ginantihan gilangkuban sa mga line government agencies, local chief executives, peace builders ug advocates.

Adunay mga ginantihan gikan sa ilawom sa Policy, Governance, and Strategic Planning Service (PGSPS), ilawom sab sa Comprehensive Agreement on the Bangsamoro (CAB), aduna pay ginantihan gikan sa MNLF Concerns Department (MCD), duna sab mga gikan sa Localized Peace Engagement Office (LPEO), aduna poy mga ginantihan gikan sa RPM-P/RPA/ABB Peace Process, ug kataposang apan dili pinakagamay nga ginantihan ubos sa GPH-CBA-CPLA Peace Process.

“Nahimo namon nga makab-ot kining tanan nga dagkong mga milestone tungod kay kami nagtinabangay sa kamot ug mibalhin sa parehas nga direksyon. Kini ang pormula sa among kalampusan,” OPAPRU Usec. David Diciano sa iyang pangbukas nga mga pulong.

“Dili kini pag-ingon nga ang among panaw sa kalinaw walay bahon sa mga hagit. Daghan ang mga pagsulay sa dalan apan nabuntog namo kini tungod kay nagkahiusa kami sa usa ka tumong,” dugang ni Diciano.

Sa laing bahin, giila sa OPAPRU ang Ateneo de Davao University President, isip Peace Partner. Ang Al Qalam Institute for Islamic Identities and Dialogue in Southeast Asia miduyog sa tibuok AdDU community sa pagpahalipay sa AdDU University President na si Rev. Fr. Joel E. Tabora, SJ.

Si Fr. Tabora usa sa dose (12) ka mga ginantihan ubos sa Policy, Governance, and Strategic Planning Service (PGSPS). Ang mga ginantihan nga giila ubos sa unom (6) ka mga kategoriya mao ang mga opisyal sa linya nga ahensya sa gobyerno, local chief executives, peace builders ug advocates.

Si Fr. Joel usab miyembro sa Multi-Sector Governance Council (MSGC) sa OPAPRU nga natukod ug pormal nga gilusad niadtong Agosto 11, 2021. Ang MSGC gilangkuban sa mga inilang tawo sa natad sa kalinaw ug pagsulbad sa panagbangi kinsa maoy nag-unang stakeholder sa proseso sa kalinaw gikan sa national line agencies, local government units, academe, civil society, women ug youth sectors. Naghatag kini ug mga mahinungdanon nga tambag ug gipunting ang mga kontribusyon sa organisasyon alang sa paglihok sa mga estratehikong prayoridad niini. Ang Executive Vice President sa unibersidad nga si Mr. Jeremy S. Eliab ang midawat sa award alang ni Fr. Joel ug sa komunidad sa AdDU.

Kining nasangpit nga kalihokan nagdala ug kalipay sa daghang mga tawo nga gipasidunggan sa OPAPRU isip ilang kauban sa tahas sa kalinaw. (Kate Cabunto, ADDU Intern)