Youth Encounter: Vocation Talk

Ang kura sa San Roque Parish Malabog nga si Rev. Fr. Arnold Balaquinto nagpahigayon ug Vocational talk alang sa mga kabatan-onan nga gipangulohan sa mga Theology students nga sila Bro. Jefferson Cua ug Bro. Gerald Lozada niadtong Mayo 22, 2022. Sa maong pagpulong bahin sa bokasyon, nahisgutan ang mga pangutanang “Where am I going?” ug “What am I supposed to do with my life?” Kini nga mga pulong, kasagaran natong makalimtan ug pangutana sa atong mga kaugalingon ilabina sa mga kabatan-onan. Sa nahisgutan, gipasabot sa mga facilitator sa mga batan-on nga ang bokasyon dili usa ka okupasyon o trabaho nga sakto alang kanato o gitun-an nato. Kini usa ka tawag, pagtawag sa Ginoo kanatong mga tawo sa pagpangalagad, ug pagkabalaan. Kining maong Vocational Talk nahitabo sa Parokya sa San Roque Malabog, gipahigayon aron magiyahan ang mga batan-on kung unsa ang bokasyon nila sa kinabuhi. Kini usab usa ka pahinumdom ug pagdani sa kabatan-onan sa pagpadayon sa pag-alagad sa Ginoo, sa simbahan, ug sa isigkatawo; ug sa pagpaningkamot aron magpuyo sa pagkabalaan.

Usa sa mahinungdanon nga menhase nga akong nadungog ug nakat-onan mao nga kitang tanan mga tinawag sa Ginoo. Gipasabot sa duha ka semenarista ang tulo ka tawag natong mga Katoliko. Una ang tawag sa kaminyoon (Married Life) diin daghan ang gustong makasinati, ikaduha ang tawag sa pagka ulay (Single Blessedness) ug ang ikatulo ang tawag sa pagka sagrado or (Religious life) din dyutay lang ang makalahutay tungod sa daghang tentansyon sa kalibutan. Kitang tanan adunay nagka lain-lain nga mga tawag ug naa ra na kanato kung unsaon nato kini pagtubag. Adunay tulo ka kapilian, tubagon ba nato kini , dilian o dili panumbalingon. Mahinungdanon kaayo ang pag ampo sa matag higayon aron malamdagan kita sa Espirito Santo sa angay natong tubag sa imbitasyon sa Ginoo. Ang pagtubag sa panawagan sa Ginoo usa ka makanunayon nga pagtubag ug pagpangandam. Gitagaan ug duso sa among mga speakers ang kalainan sa married life ug sacred life pinaagi sa pagpaambit sa ilang mga kasinatian didto sa sulod seminaryo. Ilang gipaambit kanamo ang upat ka formation sulod sa semeniry; intellectual formation, spiritual formation, pastoral formation, ug human formation. Giaghat sa mga semenarista ang mga kabatan-onan nga mangutana kung aduna silay mga kalibog ug buot ipaklaro ug sa katapusan nahimong malampuson ang ilang talk ug nakahatag kinig kalipay sa mga kabatan-onan. (Venus Jane Labastilla and Cris Bustamante | Youth SoCCom)