My Serious God

“Nagbisita Iglesia na gani ko ato mao nag expect na jud ko nga makapasa ko kay third time na nako mag take sa Nursing Board Exam.  Apan, pareho gihapon mi nga wa nakapasa sa akong ig-agaw. Siguro, di pa jud time. ” -Demi

Demi Amor Jabon, 22 years old
Mary Mediatrix Parish
Diocese of Digos

Dear KNOT,

Salamat sa ing-ani nga column kay ma-share pud nako ang akong story.  At least, may nalang naa koy ma-inspire or ma-change ba kaha nga kinabuhi.

Ako si Demi Amor.  Youngest among the 3 siblings.  Minyo na si Kuya ug Ate then ako nalang ang single.  Mao na nga naninguha jud nga makatrabaho na unta aron makatabang sa pamilya.

Nakaila nako si Lord katong Kinder pa ko sa Flores de Mayo then sa Catechism class ‘tong Grade 3 pa.

Sunod sunod ang nahitabo nga trials nako.  Namatay akong lola last year due to Chronic Obstructive Pulmonary Disease (COPD).  I also experienced rejection from a relative and I begun to question these happenings.  Much more, nga ikaduha nako nga wala makapasa sa Nursing Board Exam.

Busa, before the third take, nag decide mi sa akong ig-agaw nga mag Visita Iglesia panahon sa Semana Santa aron makapasa na.

Ana ko, “Hala! daghana diay’ng Simbahan diri sa Davao. Basta ang mahinumduman nako ang Pink Sisters.  Ing ani diay ni diri, sige ug ampo.  Bantog siguro dira na lang na sila kay ang uban, wa man gaampo gud. Ug didto naghatag ko ug petition. Sayang kay walay Misa….Pero, wa gihapon masayang kay nakapalit ko ug Rosary Guide. Dugay naman gud nakong gusto nga makamemorize ug Rosary ba. Ambot, gusto lang jud ko.  Pero tungod ato, nakabalo nako.”

Nagbisita Iglesia na gani mi ato mao nag expect na jud ko nga makapasa, apan, pareho gihapon mi nga wa nakapasa sa akong ig-agaw. Siguro, di pa jud time.  Maong nag search ko ug jobs online.  Until ang akong sister-in-law gi-invite ko nga muapil ug Free Orientation for Student’s Visa sa Australia.  Ug tinuod, am now reviewing for another exam – ang IELTS.

Pag makapasa na ko ani, maka eskwela na ko didto ug related sa akong Nursing course – ang Age Care and Community Care.  Then, in the long run, makawork na jud.

Ug naa pay isa ka blessing, when I stayed at a relative’s house in Davao during my review, gihatagan pajud ko ni Lord ug tutor “for free” in the person of my brother-in-law’s sister.  Last month,  gipaapil ko niya ug prayer meeting sa ilang kapilya.  First time nako nga nakaapil ato ug narealized nako didto pinaagi sa testimonies nga kinahanglan jud diay ang Ginoo sa kinabuhi.  Apil jud diay ang prayer.  Dili lang sige ug study, kay ihatag jud diay sa Ginoo ang better pa.  Usahay , ang gina-expect nato di muabot pero naa jud diay muabot pa sama ing aning opportunity nako for abroad.

Akong pag-ampo run? Permanente nako ginapasalamatan nga buhi ming tanan sa pamilya, sa grasya niya.  N’ya before matulog, gaampo najud ko. Dati, puro ra man ko laag ato until 2am.  Way review review kay sige’g panlibre ang barkada.  Kung magsimba, sige ug ka-late.  Pag naay cute, paduding dayon.  Samuka ato sa una bitaw pero karon nga nag-inusara nako, g’wapo jud diay mag ampo nga  seryoso ang pagpangayo apilan ug buhat, siyempre.

Dapat kung mag study, sugdan ug prayer, mangayo ug tabang para ma-retain sa akong ulo.  Puro ra to kabuang sa una.  Akong advice, kung naa mo’y friends, influence them to pray seriously to God kay seryoso man diay ang Ginoo.   Kung magsimba, magtarong jud.  Naa siguroy uban nga di pa mahatag, wala pa siguro naabot o naa pay mas maayo.  Ampo. Salig.

Thank you DC Herald!

Demi Amor