Mga Peace Builder sa Paquibato District Mi-abag sa Pinilay

Niadtong Mayo 9, 2022 misalmot ug mi-abag ang 114 ka mga Peace Builders panahon sa piniliay sa mga eskwelahan sa Paquibato District. Kini sila mga surrenderees nga mga kaniadtong myembro sa New People’s Army kon NPA.

Ang Barangay Malabog adunay 12 ka myembro nga mi-abag sa 6 ka eskwelahan ug tinag duha sila kada eskwelahan diin sila nanghatag ug mga maskara kon face mask alang sa mga botante ug mitabang sa pagpangita sa ilang mga ngalan.

Matod pa sa usa sa mga Peace Builders, kini nga programa gimugna sa atong gobyernong lokal dinhi sa Dabaw aron motabang nga dili na maka balik sa bisan-asang bahin sa Paquibato District ang teroristang CPP, NDF, NPA, ilabina sa tibook probinsya MN ug syudad sa Dabaw, diin ang Peace Builders ubos sa pag giya sa PEACE 911, nga silbi hugot nga nainiid sa kalinaw ug kahapsay sa matag area of responsibility ug kolektibong nag susi sa panginahanglan sa kumonidad ug responsibilidad duyog sa atong mga Peace Builders.

Dugang niya, sa hisgutanang kalinaw mopa abot usab kuno sila sa ilang mga report ngadto sa AFP, sama sa 27th, 89th ug 56th Infantry Battalion tungod sila gitahasan mo tabang sa mga opisyales sa barangay dili aron modaot apan alang sa pagpakaylap sa culture of security, ug sa pag monitor sa pag susi ug pagpakabana alang sa katawhan ilabi na sa basic nga panginahanglan ug pag paabot sa mga programa sa gobyerno ngadto kanila.

Mensahi niya sa katawhan nga mahalon nato ang tinood nga gobyerno ug respetuhon ang matag usa sa relihiyong aspeto ug isalikway ang idolohiyang komunista. (Imelda Overiz – Parish SoCCom)