PPCRV Volunteers Dakong Kabahin sa Halalan 2022

Nagmaabtikon gayod ang mga PPCRV volunteers dili lamang sa pagtabang sulod sa mga voting centers alang sa mga botante apan diha usab sa atong social media kon diin kabahin sad ang pipila sa Social Communications Committee. Niadtong Mayo 9, sa pagpahigayon sa piniliay sayo pa sa kabuntagon nagsugod na ug pagpaambit diha sa mga impormasyon ang atong mga SoCCom ug tungod niini maabtikon usab nga nakahatag ug mga lab-as nga balita ang atong Program Head nga si Ma’am Annie Libres diin nahimutang sa studio sa DXGN Spirit FM.

Luyo sa mga kalisud sa signal o sa mga kakulian tungod sa pag-init sa ulo sa mga katawhan nagpadayon ang kakugi sa atong mga PPCRV volunteers sa paghatag sa ilang maabtikon nga serbisyo. Tuod man ubay-ubay ang mga concerns sa VCM ug sa mga pangalan nga nangawala o na deactivate, wala kini makapugong sa pagpadayon sa eleksyon.

Dili gayod ikalimod nga dako kaayo ang kalambigitan sa mga PPCRV volunteers alang sa hapsay ug “well-informed” nga piniliay. Bisan mibati diha sa kakapoy angayan man kuno ang maong pagserbisyo alang sa katawhan ug mamahimong kabahin sa kasaysayan.

(Photos: Sheovy Vistar, Gresiel Ferrando, Shi de Leon Dalagan, Marriel Shong)