Simbahang Misyonero ug Apostoliko

P: Unsaon man pagsabot nga misyonaryo ang Simbahan?

T: Ang Simbahan, giniyahan sa Espiritu Santo, nagapadayon sa misyon ni Cristo mismo latas sa kasaysayan. Busa ang mga Kristiyano mosangyaw ngadto sa tanan sa Maayong Balita nga gipadala ni Cristo; ug, sinunod ang iyang dalan, kinahanglan andam sila sa pagsakripisyo sa kaugalingon, bisan hangtod sa pagkamartir.

P: Nganong ang Simbahan apostoliko?

T: Ang Simbahan apostolikanhon sa iyang sinugdanan tungod kay gitukod siya “diha sa sukaran nga gipahamtang sa mga Apostoles” (Efeso 2:20). Apostolikanhon siya sa iyang pagtulon-an nga sama ra gihapon sa mga gipanudlo sa mga Apostoles. Apostolikanhon siya tungod sa iyang gambalay sumala, nga hangtod sa pagbalik ni Cristo, siya gitudloan, gibalaan, ug gigiyahan sa mga Apostoles pinaagi sa ilang mga sumusunod nga mao ang mga Obispo nga adunay pagkahiusa uban sa sumusunod ni Pedro.

P: Unsa ang gilangkob sa misyon sa mga Apostoles?

T: Ang Pulong “Apostol” nagapasabot og “tawo nga gipadala”. Si Jesus, ang Gipadala sa Amahan, nagtawag ngadto kaniya og napulog duha ka mga tinun-an ug mipili kanila nga iyang mga Apostoles, sa ingon gihimo Niya silang mga pinili nga saksi sa iyang Pagkabanhaw ug sukaran sa iyang Simbahan. Gihatag Niya kanila ang sugo sa pagpadayon sa iyang kaugalingong misyon sa pag-ingon, “ingon nga gipadala ako sa Amahan, ako usab nagapadala kaninyo” (Juan 20:21); ug misaad siya pagpabilin uban kanila hangtod  sa kataposan sa kalibotan.

(Cf. Kompendiyo sa Katekismo sa Simbahang Katoliko, 173-175)