Nanlalamang Na Ba Ako?

Dear Ate Emz,

Adunay mga hitabo sa akong kinabuhi nga maka pangutana ako og sakto ba ang akong nabuhat? Maka ingon ako sa akong kaugalingon nga oportunista ra kaayo ako kay mao ni mao na.

Ulitawo pa ako sa akong pang-edaron karon nga 30 anyos. Aside sa akong permanenteng trabaho aduna usab akoy mga side line, extra income nga maka tabang og dako sa akong mga panginahanglanun. Demanding kini kay tungod few are given the opportunity to have this craft. Siyempre tungod sa abilidad nga duna ako, I took the advantage of asking my clients for a high price. Depending on the project ug budget.

Para sa akoa dili ingon ana ka lisud ang mga task kay sayud na man ako sa mga angayng himoon so maka ingon ako ug dali lang kini buhaton. Usahay ma guilty ako nga gisingil ko akong client og medyo dako nga kantidad sa simple nga gipabuhat. Dili ba kini panglamang? Matud pa sa akong mga higala nga anaa usab sa maong field sakto ra daw kuno kay pipila lamang ang maka himo niini, apan para sa akoa mura ako og ma kunsensiya.

Salamat,
Louie

* * * * * *

Dear Louie,

Daygon ug pasalamatan ang Ginoo sa dugang nga talento nga gihatag diha kanimo, walay labot sa imong mga nahibaluan sa regular nga trabaho. Makaingon kita nga panagsahon siguro kini nga craft ug maoy hinungdan ngano taas man kaayo ang singil sa serbisyo nimo ani. Dugang pa niini ikaw na mismo ang nagsulti nga in demand sab kini nga kahanas. Apan sa imong kabahin, murag nakonsensiya ka hinungdan nga daku ra ang kantidad sa singil. Sumala sa imoha, simple lang naman ang gipabuhat. Mahimutang nga ang panglantaw nimo ani mao nga “panglamang” o oportunista ka sa nagpabuhat sa imoha.

Lisod gyud dalhon ang natugaw nga konsiyensya kay walay kalinaw ang gibati. Makapangutana kita, sa tinuod lang, makatarunganon ba ang bayad kanimo? Pila man ang kantidad sa bayad aron makahatag nimo og kalinaw sa hunahuna?

Hinumdumi nga kining talagsahon nga talento usa ka gasa gikan sa Ginoo. Unsa kaha kung kini nga gasa imong ipaambit sa uban buhat usa ka misyon sa imong kinabuhi? Unsa kaha kung imong tagdon kini nga usa ka SERBISYO sa mga talagsahon ra sab nimo nga mga kliyente imbes nga makaganansiya ka og daku? Unsa kaha kung alang sa serbisyo, ipaubos ang singil sa ilaha?

Dili sa tanang panahon ang kwarta ang makahatag kanimo og kalipay o kalinaw sa hunahuna. Lahi ra gyud ang kalipay nga resulta sa kinasingkasing nga pagbuhat ug mga bagay, labi na kung buhat sa gugma kini. Mao na kini ang kahigayonan nga makapaambit ka og kalipay sa uban samtang ilang gitagaag bili ang imong serbisyo alang kanila. Sa kini nga pamaagi, imong gipuy-an ang motto, GIFTED TO GIVE. Nagtoo ako nga ang Ginoo moganti kanimo, dili sa material nga mga bagay, apan sa ubang mga pamaagi. Hinumdumi nga ang Ginoo dili gyud malabwan sa pagkamanggihatagon ug Siya nahigugma sa usa ka malipayong tighatag!

This is one invitation for you, Louie, go forth in peace and glorify God with your giftedness and your craft!

God bless you more.
Ate Emz

Each one must give as he had decided in his heart, not reluctantly or under compulsion, for God loves a cheerful giver. – 2 Cor. 9:7