Pagtinabangay aron mapanalipdan ang mga Bata

Ang Spiritual Director sa Archdiocesan Family and Life Apostolate (FLA), Rev. Fr. Orlando Angelia o mas inila sa tawag nga Fr. Orly, midasig sa mga Family and Life Apostolate Workers sa pagtambong niining “Safeguarding Children and Vulnerable Young Adults” Seminar niadtong Abril 22-23, 2022, diha sa TDM Retreat House sa Tulip Drive, Matina, Davao City. Matod pa niya nga dili lang limitado ang atong serbisyo ngadto sa mga kaslonon ug ginikanan. Magpakabana usab kita ngadto sa mga kabataan ug mga kabatan-onan sa sulod sa kristohanong panimalay. Gawas pa niini adunay pagtugot ang atong arsobispo Most Rev. Romulo G. Valles ug ingon nga adunay tinguha nga ipakanaog kini nga programa ngadto sa mga Parokya ug sa GKK level.

Adunay 32 ka mga Parish FLA workers nga gikan sa nagkalain-laing parokya nga mihuman gyud sulod sa duha ka adlaw. Matud pa ni Fr. Orly, nagalaom gyud siya nga ang FLA makonekta sa ubang mga grupo o networking sa uban nga mga ahensya sa goberno sa ingon mapugngan ang mga pag-abuso, pagpahimulos ug diskriminasyon sa atong mga kabataan. Si Dandan Catipay usa sa partisipante nagpadayag nga gibati niya ang kaguol ug nahiwa iyang kasingkasing sa kamatuoran nga paghitabo ug sa ingon bisan mismo sa atong panimalay dili luwas ang mga kabataan.

Gidawat sa mga mitambong kining maong hagit kay ikalipay sa Ginoo ang pagtuman sa misyon. Sila ni Sr. Yolanda Magana, MSM. Ug si Ma’am Jeanette Ampog ang mga resource speaker misaad nga motudlo hangtud sa 4th level, aron mahanas ug ipadayon ang maong training sa umaabot nga Mayo 27-28 ug andam usab sila nga motabang sa Parish level. (Amelita Desquitado)