Debosyon Sa Diosnong Kalooy: Pultahan Sa Mga Milagro ug Pagkamapaubsanon

Inila sa tibuok kalibutan ang debosyon ngadto sa Diosnong Kalooy kon Divine Mercy ug kini ginasaulog sa unang Dominggo human sa pagkabanhaw. Kini nagsugod kaniadtong 20th century diin nagpakita ang Ginoong Hesukristo ngadto kang Sr. Faustina Kowalska sa Vilnius, Lithunia sa Poland. Sa mando ni Kristo hingpit nga nadibuho ni Sr. Faustina ang pinakaunang Imahe sa Diosnong Kalooy ug karon usa sa mga popular nga imahe sa Katolikong Simbahan. Ang Divine Mercy Chaplet usab gitugyan ni Hesus pinaagi kang Sr. Faustina ug kini usab gina-ampo sa mga Katoliko matag alas tres ang takna sa hapon.

Isa si John A. Gabato, nga taga GKK San Isidro Labrador, Juliville sakop sa St. Mary of the Perpetual Rosary Parish, Buhangin sa mga deboto sa Divine Mercy. Siya usa ka miyembro sa LecComPs, Jesus the Divine Healer Community, Apostolate of the Divine Mercy sa SMPRP, ug usa sa mga aktibong lumilihok sa ilang GKK.

Niadtong tuig 2015, giimbita siya sa iyang ninang nga si Catalina Gales sa pagtambong sa Healing of the Family Tree nga inisyatiba sa Jesus the Divine Healer (JDH) Community. Pagkahuman giimbita usab siya sa weekly Cenacle prayer diin didto iyang napalawman ang iyang pagtuo ug debosyon sa Divine Mercy.

Si Matilde Lacap o mas inila sa tawag nga “Tita Mat” ang head sa JDH Community diin ang tumong sa komunidad mao ang healing, reconciliation and peace of the Divine Mercy. Si Tita Mat mao ang nag enganyo kay John nga moapil gayud sa healing mission sa JDH.

Isip usa ka deboto sa Diosnong Kalooy, siya kanunay gayud nga naga-ampo sa Divine Mercy Chaplet kada adlaw. “Miracles will not have peace until it turns with trust to my mercy,” diary 300 of St. Faustina. Isa sa iyang mga kasinatian sulod sa iyang debosyon nahitabo niadtong Oktubre 2018 nadisgrasya ang iyang mama mahitungod sa panagbangga sa mga bus sa Tagum City ug nabali iyahang mga kamot ug tiil. Gisulayan gayud ang iyang pagtuo sa Ginoo niining mga panahona apan nagpadayon gihapon ang kainit sa iyang debosyon ngadto sa Divine Mercy.

“I always remember the ABC Prayer. A-sk for His Mercy, B-e merciful to others, C-Complete Trust in God. Miracles do happen, whatever the circumstances trust lang kay Lord sa iyahang plans”. Tuod man nahimong malampuson ang gihimong operasyon ug nakarecover ang iyang mama. Ang pagpanalangin sa Chaplet maoy nakahatag kaniya og dugang kusog, kaisog ug kalinaw.

Sa pito ka tuig sa iyang debosyon, nagpadayon gayud siya tungod kay siya nagatuo nga dinhi niya masinati ang kalinaw sa mga mahigugmaong kamot ni Kristo. “Prayer is my powerful weapon against evil works and service with the Lord is one of my greatest happiness despite and in spite of my imperfections. I always find my way back to the Lord because it helped me to grow to become a better person because it allows me to meet a new circle of people who became good friends of mine.”

Gitapos ni John ang iyahang pagpaambit pinaagi sa paghatag ug pagpasalamat ilabina na sa mga tawo nga nagtabang ug misuporta kaniya sa iyang pagkadeboto. Iya usab gisaysay ang mahitungod sa gasa sa pagpaubos nga mao gayud ang iyahang padayon nga ginapuy-an tungod kay ingon pa sa Lukas 14:11 “Kay kadtong nagpataas ipaubos ug ang magpaubos ipaatas.” Alang kaniya kini ang pinakalabing pagtulun-an nga atong makutlo sa pagdebosyon sa Divine Mercy. (Allyza Hope Tabigue, GKK SoCCom)