Kalibutanong Pagsaulog sa Semana Santa

Sa pag-abri sa Semana Santa, gisaulog sa San Pedro Cathedral Parish ang pagbendita sa lukay sa likod sa simbahan una magsugod ang Santos nga Misa. Nahimo na kining tulumanon sukad pa sa kaniadto ug atong Domingoha gihandom ang pagsulod ni Hesu Kristo sa Jerusalem nga gitagbo sa kalipay pinaagi sa paglubay-lubay sa mga kahoy ug lukay.

Sa paningkamot sa Worship Ministry nga gipangunahan ni Sr. Elaine Marie Difuntorum, OSB, uban ang mga lector/commentator, gihulagway ang mapamalandungong panghitabo sa kanhiayng panahon basi sa balaang kasulatan.

Suportado sa Kura Paroko nga si Most Rev. Romulo G. Valles, DD, uban sa mga kaparian nga sila: Rev. Msgr. Julius Rodulfa, Fr. Voltaire Dimol ug Fr. Michael Ondras, Jr., ang mga kalihokan sa Semana Santa, sama sa duha ka adlaw’ng Lenten Recollection nga nahuman sa pagpangumpisal, Chrism Mass, Mass of the Lord’s Supper, Station of the Cross, Seven Last Words, Liturgy of Good Friday, Easter Vigil in the Holy Night ug ang pagsaulog sa selebrasyon sa Easter Sunday of the Lord’s Resurrection (Sugat). Nakita usab ang mainiton nga pag-abag sa mga kapulisan, Brgy. Tanod, Police Auxiliary ug uban pang mga frontliners alang sa pag-implementar sa Health Protocols arun nga malikayan ang pagkuyanap sa COVID-19, ug usab alang sa pagpahapsay, ug kalinaw sa mga kalihokan. (Rosalinda Jabonillo | San Pedro Cathedral SocCom)