Bag-ong GKK gimugna

FEBRUARY 16, 2022 | Nasaksihan sa mga parokyano sa St. John Paul II Parish, Los Amigos ang pormal nga pagtukod sa bag-ong GKK nga gipahinungod kang San Jose, Bana sa Mahal nga Birhen. Ang GKK San Jose sa Orchard Lane Subdivision mao ang ika-29 nga GKK sa maong parokya. Sumala ni Rev. Fr. Russell A. Bantiles, ang Kura Paroko sa St. John Paul II Parish, diha sa iyang pagbasa sa deklarasyon sa pagtukod sa maong GKK, ang pagpili kang San Jose isip patron sa maong komunidad usa ka bunga sa pagpamalandong sa Year of St. Joseph (December 8, 2020 – December 8, 2021) nga gisaulog sa tibuok Simbahan. Dungan sa maong kasaulogan mao usab ang pagpadala ug pagpanaad sa mga napiling pangulo sa maong GKK.

Dungag pa niini, gipangandaman na pag-usab sa mga parokyano ang pagtukod sa lain pang duha ka bag-ong GKK sa parokya sa Los Amigos.

(Photos by: SJPII MEDIA TEAM)