Parokya Mitahan sa Pagkapiniyalan

Miaging Enero 23, Domingo, ang St. Joseph Parish, Sasa, gisaulog ang 1st Anniversary sa “Spirituality of Stewardship”. Adunay 681 practitioners nga mitahan sa kaugalingon sa binulan nga paghalad alang sa pagtabang sa panginahanglan sa Simbahan.

Adunay 500 hundred ka mga membro nga mitambong sa Santos nga Misa nga gisaulog ni Most Rev. Romulo G. Valles, D.D. ug giubanan ni Rev. Fr. Leonardo A. Dublan, Jr., ang Kura Paroko. Human niini gipahigayon ang unang Asembleya sa mga Spirituality Of Stewardship (SOS) practitioners didto sa Holy Cross College of Sasa Gym.

Si Angie Cagaanan mihatag sa iyang report sa SOS Financial offering covering January 2021 to December 2021 nga mikabat og 1,084,630.00. Gimatud-an sa mga membro niini nga isip Piniyalan sa mga butang sa Ginoo dinhi sa kalibutan gipuy-an ang kinaiya nga pagkamanggihatagon. Ug dili lang kini mahitungod sa salapi, kabahin niini ang panaad sa paghatag og panahon sa pagpalambo sa Pagtoo, pagpangalagad, bokasyon, Family and Life ug pag-atiman sa kinaiyahan.

Matud pa ni Fr. Bong Dublan, Jr. sa iyang paghatag pagpaabot sa umaabot nga mga kalihukan, adunay hugna sa Renewal of SOS Commitment sugod sa bulan sa Mayo hangtud sa Desyembre 2022. Ang mga bulan nga adunay 5th Sunday gidiklara nga espesyal nga adlaw alang sa “Altar Call Sunday”. Gidapit ang tanang mga parokyano nga mosimba magdala sa ilang halad ngadto sa Altar panahon sa Misa alang sa mga kabos. Si Fr. Bong Dublan, nagkanayon, bisan tuod kita usab nanginahanglan, anaa kanato ang kinaiya nga mopa-ambit sa mga grasya nga atong nadawat sa matag-adlaw gikan sa Ginoo, MOSALIG kita sa Dios, dili kita biyaan, ang paghatag, kabahin sa atong pagsalig sa Dios.

Malampuson ang gihimo nga kalihukan, ang tanan malipayon, napalalum ang pagsabot sa iyang pagkapiniyalan, mapasalamaton nga nakiglambigit, mas nagkasuod sa matag-usa ug gitapos kini sa pictorial sa walo ka zona ug mipauli bitbit ang food pack alang sa ilang paniudto.

The Committee members came together, ate together and were so happy before it was finally over. (Amie Desquitado | Soccom)