Si Jesus, Katingalahan, Matinud-anon ug Masaksihong Bata

FEAST OF THE STO. NIÑO (January 16, 2022)
Is 9:1-6 / Ps 97:1, 2-3, 3-4, 5-6 / Eph 1:3-6, 15-18 / Lk 2:41-52

Ang Balita mikuyanap sa kalasangan nga puno sa kahoyng igera. Adunay usa ka batang lalaki didto sa templo-katingalahang bata nga nakapahingangha ug nakapahimuot sa mga magtutudlo sa balaod, dili lamang tungod sa katingalahang mga tubag apan usab sa iyang mga pangutana. Ang mga nagpaminaw nga mga “bangiitan” nagpanakla, ug , nagkadaghan. Human sa tulo ka adlaw, midako ang pundok sa mga eskolar sa Kasulatan ug nakapangutana ngano nga usa ka taga Nazareth nakahibalo sa Kasulatan ug maayo kaayong mangutana. Maantigo siya siya sa tukmang mga teksto, sa unod sa iyang gipamulong, sa mensahe nga iyang gipaambit. Ang iyang mga paghatag sa kahulugan halawom kaayo ug adunay kasegurohan. Apan siya usa lamang ka batang dose ka tuig ug gikan pa gayud sa usa ka hilit nga dapit sama sa Nazareth. Wala masabti ang kahibalo niining bataa sa mga dagkung mga magtutudlo.

Apan si Jesus dili lamang usa ka katingalahang “bata:. Siya mao ang katingalahang matinud-anon og masaksihon nga bata. Sa iyang pagkuyog sa iyang amahan nga si Jose ug sa iyang Inahan nga si Maria aron sa pagtuman sa tanang kalihokan sa pagpanaw-duaw alang sa Pangilin sa Pagsaylo ug pagtuman sa tanang mga buluhaton nga nakalambigit niining piyesta. Iyang gipakita nga nagtamud siya ug aktibong miapil sa relihiyosong tradisyon og buluhaton sa katawhan, sama ra nga siya usab anad sa unsay gisulti o nahisulat sa Kasulatan.

Gitudloan siya sa paghatag ug bili sa ilang tradisyon ug gibati niya nga ang katawhan mitubo ug nahimong makinaadmanon ubos sa pag-alima sa Dios ug kabahin kini sa iyang kinabuhi.

Makapangutana seguro kita mahitungod sa atong mga batan-on karong panahona kon mao ba kini usab ang ilang pagtubo sa kahibalo, kinaadman og paghamtong, nga sama kang Jesus. Si Jesus sa iyang pagdaku, ug pagka-hamtong nagtamud sa pagka-dakung bili sa tradisyon sa iyang katawhan. Busa Iya usab kining gipuy-an nga puno sa kaikag. Dili ba mao kini ang kinahanglang matun-an sa atong mga batan-on karon. Kadaghanan kanila utokan kondili man labaw pa ka utokan, apan gipalabi nila ang pagkasuod sa mga ngalan ug mga kinaiya sa mga personahe sa mga artista, sa telebisyon, sa mga kampyon sa sports, war heroes, game characters; apan kon ang hisgutan mao ang espirituhanong mga butang daw ang kadaghanan kanila anaa pa sa grade one section 8. Kon imbitahon sa pag-apil sa mga kalihokan sa Simbahan o pag-apil sa mga relihiyosong tradisyon, dali rang laayan, o bugnaw kaayo. Kon imbitahon sa paghatag sa panahon nga moapil sa mga grupong relihiyoso, magduhaduha o dili kasaligan. Ang Kasaulogan sa Piyesta ni Santo Nino nagtanyag sa mga batan-on sa pagpamalandong sa ilang tinuod nga kaugmaon, isip tawo nga adunay kalag ug adunay padulngan nga gingharian sa langit. Daghan usab sa atong mga ginikanan , mga magtutudlo ug ang tanan nga pangutan-on ang kaugalingon kon unsay nakalimtan, nganong naingon niini ang atong mga batan-on ug labaw sa tanan unsaon nato pag-alim niini aron Makita nato nga ang mga batan-on”makanunayong molambo o motubo nga puno sa kaalam, kahibalo ug grasya atubangan sa Dios ug sa tawo’(Lk 2:52), sama kang Jesus.