GKK Survey Importante Panahon sa Kalamidad

“Kitang Katoliko, nag-awas. Ang wa nanimba nagbaha. They (unchurched) are part of our community.”

Kini matud pa sa usa ka layko sa iyang pagpamalandong sa pagahimoon nga  training on disaster preparedness survey ug mapping diha sa tagsa-tagsa ka GKK sa Davao.

Ginapanghinaut diha sa meeting sa Parish Social Action Ministry Coordinators niadtong Marso 1 nga ang matag parokya makahatag sa Archdiocesan Survey Form apil na ang mga renters, students ug non-Catholic, aktibo ka man o dili sa Simbahan.

Kini makatabang sa pagkuha og datus aron sa konkretong disisyon nga pagahimoon hilabi na sa kalamidad sama sa paghatag og mga relief goods.

Mas malangkubon ang ginapadagan nga survey. Dako usab ang matabang niini aron mas mailhan pa sa mga GKK officers ang ilang katilingban ug aron may basehan ang mga programang ilatid alang kanila.

Panapos ni Fr. Leonardo Dublan, Jr., Director sa Archdiocesan Social Action Center, “magtinabangay dapat ang mga GKK officers ug dili lang kini trabaho sa Pangulo sa Alagad (PSA). Idealy, data should be updated. Ang challenge dili lang sa pagpadagan kon dili sa pag-collate. Ang mapping makatabang to know the boundaries for rescue operations.”